Македонија
Штрајк на вработените во Маврово
![](https://makfax.com.mk/wp-content/uploads/2016/11/b075302b-4703-4a3f-b280-0a04bab9e805-2.jpeg)
Вработените во градежната компанија Маврово денеска ќе стапат во штрајк по повод отворањето на стечајната постапка на друштвото
Вработените во градежната компанија Маврово денеска ќе стапат во штрајк по повод отворањето на стечајната постапка на друштвото.
Штрајкот го организира синдикатот за градежништво, индустрија и проектирање на Македонија, а ќе се одржи во просториите на компанијата.
Незадоволството на вработените кулминира поради неисплатените заостанати плати, нерегулирано здравствено осигурување неисплатени придонеси за ПИОМ, нерегулиран статус на вработените и незаконско упатување на принуден одмор.
Градежната компанија Маврово лани беше купена од страна на хрватска ИНГРА, чии високи претставници најверојатно нема да се сретнат со штрајкувачите.
Ингра соопшти дека откако го презела работењето во Маврово, увидела дека побарувањата во износ од 30 милиони евра не можат да се наплатат и да се покријат долговите, кои исто така изнесуваат 30 милиони евра, бидејќи од претходната управа добила лажни податоци за структурата на долговите.
Ингра решила да продолжи да работи преку Маврово инженеринг, кое лани го купила за околу три милиони евра и во оваа фирма се префрлени 700 вработени од градежната компанија Маврово, во која останале уште 400 лица.
„Никако не можеме да го разбереме работењето на „Маврово“ во последните 10 до 15 години. Да не исплаќаат платите на вработените, а државните институции тоа да го дозволат. Долговите на „Маврово“, кон работниците за плати и придонеси изнесуваат околу 3,5 милиони евра“, изјави претставникот за односи со јавноста на Ингра Данко Дебан.
Тој рече дека Ингра решила да покрене стечај бидејќи долговите на Маврово биле толку големи, сметките блокирани, а компанијата не можела да заработи пари да се исплати долгот кон вработените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.