Македонија
Поддршка за веронауката

Поддршка за одбрана на правото за изучување на веронаука во Македонија денеска во Скопје искажаа група вероучители и една граѓанска асоцијација
Поддршка за одбрана на правото за изучување на веронаука во Македонија денеска во Скопје искажаа група вероучители и граѓанската асоцијација „Млади за здрави животни стилови“.
„Самиот збор веронаука кажува дека тоа е наука за верата. Сите луѓе на овој свет веруваат во нешто, некој верува во хуманизам иопштествени вредности и слично, но најмногу од се луѓето веруваат во Бога“, рече магистер Илија Орачки наставник по веронаука во неколку скопски училишта.
Тој посочи дека вероучителите веруваат дека правото на избор е загарантирано, а веронауката беше изборен предмет во основните училишта во Македонија.
„Ние не протестираме, ние искажуваме поддршка за изучување на веронауката“, рече Орачки.
„Сметаме дека веронауката е здрава за духот на младите и за семејствата во Македонија“, рече Милан Стефановски од граѓанската асоцијација „Млади за здрави животни стилови“.
Тие посочија дека утре во 13 часот пред Уставниот суд во Скопје ќе се одржи помасовен и поорганизиран протест од денешниот и побараа поддршка од сите граѓани во Македонија за изучување на веронауката во училиштата, која беше воведена како изборен предмет од учебната 2008 / 2009 година.
Родителите на петто одделенците можеа да избираат меѓу двата предмета – Вероучение и Историја на религии.
Вероучителот Љупчо Смилев посочи дека на часовите по веронаука на учениците им се предавале основните верски знаења и дека целата програма воопшто не била спорна затоа што била одобрена од Министерството за образование и наука,.
Вероучителите и граѓанската асоцијација не ја коментираат одлуката на Уставниот суд, која што беше донесена во средата минатата недела и со која беше укинат членот 26 од Законот за основно образование, со што беше укината веронауката како предмет во училиштата.
Пред Уставниот суд во Скопје денеска имаше паркирано и дваесетина возила, на кои имаше залепено плакати, на кои меѓу другото пишуваше и: “Имаме право на избор на веронаука“./крај/амп/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ажурирана листата на контакти за поддршка на граѓаните и семејствата на повредените кои се испратени на лекување во странство

Ажурирана листата на контакти за 24/7 поддршка на граѓаните и семејствата на македонските граѓани кои се испратени на лекување во странство, објави на Фејсбук страницата министерот за надворешни работи и надворешна трговија Тимчо Муцунски.
Дежурни телефонски броеви во Министерството за надворешни работи и надворешна трговија се: 075/273-732 и 075/268-736.
Во продолжение се телефонските броеви на дежурните контакти во странство, каде што се наоѓаат повредени македонски граѓани на лекување.




Македонија
Над 500 граѓани на Бугарија дарувале крв за повредените од Кочани

Над 500 граѓани во Бугарија дарувале крв за повредените Кочани од трагичниот пожар во дискотеката „Пулс“. Ова го соопшти бугарскиот Црвен крст за агенцијата БТА.
Сепак, многумина се прашуваат дали собраната крв ќе биде доволна за сите повредени. Затоа, организаторите апелираат до граѓаните да продолжат со дарувањето до крајот на неделата. Инаку, секоја капка крв може да направи разлика за нечиј живот.
Крводарувањето се одржува во две клучни институции во Софија. Првата е Универзитетската болница за активно лекување и итна медицина „Н.И. Пирогов“. Втората е Националниот центар за трансфузиона хематологија. Денеска, 381 лице учествувало во акцијата за повредените Кочани. Вчера, пак, за само три часа над 120 лица дарувале крв. Од прес-службата на Црвениот крст на Бугарија соопштиле:
„Со болницата ‘Н.И. Пирогов’ и Националниот центар за трансфузиона хематологија организираме голема акција за да обезбедиме крв за младите луѓе повредени во несреќата во Кочани“.
Македонија
Пациентите примени во Анкара од денес дишат самостојно, Министертвото со информација за хоспитализираните млади луѓе по пожарот

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.
На Клиника за пластична хирургија во моментот се хоспитализирани – 10 пациенти,
На Клиника за токсикологија – 10,
На Торакална – 4,
на трауматологија – 2,
на Детска хирургија – 4,
на КАРИЛ – 13,
На Клиника за пулмологија – 2,
Во ГОБ 8 септември -17,
Во Хируршка клиника „Св Наум Охридски“ -11
Во ОБ Штип – 2
Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.
Во Литванија – четири пациенти се на интензивно лекување во стабилна состојба.
Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.
Во Србија во моментот се лекуваат 30 пациенти, кои се на интензивно лекување во стабилна состојба.
Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.
Во Грција се лекуваат осум пациенти, кои се стабилни во моментот.
Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.