Македонија
ПроКредит банка објави добивка од два милиони евра
Нето добивка од два милиони евра остварила македонската ПроКредит Банка, објави денеска на прес конференција менаџментот на банката
Нето добивка од два милиони евра остварила македонската ПроКредит Банка, објави денеска на прес конференција менаџментот на банката.
Притоа беше истакнато дека вкупната актива на банката заклучно со декември 2008 година изнесува 185 милиони евра, вкупното кредитно портфолио 130 милиони евра, а вкупното депозитно портфолио 128 милиони евра.
За раководството на банката посебен успех е нискиот процент на кредит на доцнење од над 90 дена, кој лани изнесувал 0,79 отсто, што е далеку под македонскиот просек од 6,7 отсто.
Банката во своето кредитно работење е концентрирана на кредитирањето на многу мали, мали и средни претпријатија, додека има крајно дефанзивен однос кон кредитирањето на населението.
Околу деведесет отсто од кредитите банката ги пласирала во земјоделството, трговијата, индустријата, градежништвото, транспортот и туризмот, додека само еден отсто од кредитното портфолио отпаѓа на потрошувачки кредити.
Просечната каматна стапка на кредитите на ПроКредит Банка се движи од 14-16 отсто. Раководството на банката информираше дека не размислува да ја зголеми оваа стапка, изразувајќи оптимизам дека таа на долг рок ќе се намали.
Во врска со безбедноста, прашање што се актуелизира по неодамнешниот грабеж на експозитура во центарот на Скопје, од ПроКредит Банка велат дека безбедноста е на високо ниво, а вработените имаат поминато соодветен тренинг.
Приоритет во такви ситуации е сочувување на безбедноста на вработените и клиентите и да се одбегне евентуална престрелка во некоја од експозитурите, изјави генералниот директор на ПроКредит Банка, Јованка Јолеска-Поповска. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во недела во Скопје
СВР Скопје ги известува граѓаните на Скопје дека на 12.05.2024 (недела) од 08.30 часот до 10.30 часот, поради одржување на улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај и тоа по сообраќајниците по кои ќе се движат натпреварувачите, кои имаат стартна позиција на бул.„Илинден“–локација Фонтана, ќе се движат по бул.„Илинден“ до крстосница со ул.„Никола Парапунов“, потоа до крстосница со бул.„Партизански одреди“, десно (кон населба Ѓорче Петров) до мостот Влајко, каде што вртат полукружно и назад по истиот коловоз до крстосницата со ул.„Љубљанска“, каде вртат полукружно и по истиот коловоз се враќаат назад на ул.„Никола Парапунов“ и по бул.„Илинден“ до целта на локација Фонтана на бул.„Илинден“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Македонија
Пеевски до Мицкоски: Од вас се очекува правилно да го исполните договорот, Бугарија направи голема работа
Нема да дозволиме Бугарија да се користи за внатрешнополитички цели во Северна Македонија, наведува претседателот на ДПС од Бугарија, Дељан Пеевски.
„Зборовите на лидерот на партија со тврдења од нашата соседна земја дека ќе чека поразумен премиер се апсолутно недозволиви и неприфатливи. Нема оправдување Северна Македонија да се оттргне од свјот евро-атлантски пат“, вели Пеевски и му се обраќа на претседателот на македонската партија ВМРО-ДПМНЕ, Христијан Мицкоски:
„Сакам да му се обратам на господинот Миткоски: нема да има бугарски премиер што ќе оди спротивно на интересите на Бугарија. Од вас се очекува правилно да го исполните договорот потпишан со Бугарија. Ве потсетуваме дека Бугарија како држава направи многу со поддршката за Северна Македонија, чие место треба да биде членка на ЕУ“, вели Пеевски.
Македонија
Џафери за порасната трева околу Владата: Градоначалничката доби соодветен одговор со изборниот резултат, граѓаните гледаат и вреднуваат
Техничкиот премиер Талат Џафери по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
„Разбирам дека има реакции по тоа прашање. Според процедурите и прописите, земјиштето е сопственост и во надлежност на Град Скопје. Според договореното и обврските, ‘Паркови и зеленило’ како јавно претпријатие што се грижи за изгледот на градот е надлежно и за оваа работа. Владата ниту има предвидено средства ниту, пак, може да предвиди средства за работи што се надлежност на друга институција. Во овој контекст, јас жалам што излезе вака, но, секако, и на изборите соодветен одговор доби и градоначалничката на градот Скопје во однос на изборниот резултат. Граѓаните гледаат, граѓаните оценуваат, вреднуваат и си го дадоа својот одговор“, рече Џафери.
Нова алтернатива, партијата која на изборите ја предводеше градоначалничката Данела Арсовска, освои 3.516 гласа, односно 0,35 отсто од гласовите на запишаните избирачи.