Македонија
Владата го дополни пакетот антикризни мерки
![](https://makfax.com.mk/wp-content/uploads/2016/11/8e0f4016-d0aa-4b48-840c-6673b74ab8de.jpeg)
Блага измена и дополнување на третиот пакетот антикризни мерки, објавен во вторник, изврши македонската влада
Блага измена и дополнување на третиот пакетот антикризни мерки, објавен во вторник, изврши македонската влада, делумно поради одредени реакции во јавноста.
Како посебна социјална мерка во услови на економска криза, Владата вчера попладне соопшти дека ќе обезбеди средства за ангажирање на 5.000 невработени лица за вршење на јавни работи, за период од 6 месеци.
Оваа мерка ќе се реализира преку Агенцијата за вработување на Република Македонија, во соработка со општините, се вели во соопштението на Владата.
Реализацијата на програмата за задолжителна ХПВ вакцинација сепак ќе стартува годинава и тоа со средства од Буџетот.
Владата одлучи и за 30% да се намали лимитот за користење на службени мобилни телефони во целата државна администрација, што ќе се имплементира од 1 мај.
Во делот за поддршка и намалување на трошоците за фирмите, Владата одлучи за 30% да ги намали надоместоците кои транспортерите ги плаќаат за фито и ветеринарен преглед на граничните премини, а за истиот процент се намалуваат и цените за хомологација на возилата. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.