Македонија
Посебен сообраќаен режим поради маратонот и трките
Посебен сообраќаен режим денеска ќе има низ скопските улици, поради одржувањето на Скопскиот маратон и авто трките на Водно
Посебен сообраќаен режим денеска ќе има низ скопските улици, поради одржувањето на Скопскиот маратон и авто трките на Водно.
Поради трките на Водно со автомобил нема да се има пристап од основното училиште „Кочо Рацин“ па нагоре.
Атлетичарите и рекреативците, пак, од осум до 14 часот целосно ќе ги затворат за сообраќај следните булевари и улици: „Јане Сандански“ (десната лента од Тобако кон населбата), „Илинденска“, „Теодосиј Гологанов“, „Адолф Циборовски“, „Франклин Рузвелт“, Димитрије Чуповски“, „11 Октомври“, „Климент Охридски“, „Крушевска република“ (од семафорите кај Тутунски комбинат до семафорите кај полициска станица Пролет), „Трета македонска бригада“ (од семафорите кај полициска станица Пролет до улица „Фрањо Клуз“)…
Делумно затворени ќе бидат десната лента на булевар „Климент Охридски“ од „Матица“ до семафорите кај Владата, потоа улица „Љубљанска“ од „Илинденска“ до семафорите на „Партизански Одреди“ и улица „Московска“ од „Партизански Одреди“ до студентскиот дом „Гоце Делчев“. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја утре делови од Аеродром, Кисела Вода и Сарај
Без електрична енергија утре ќе бидат дел од корисниците од општините Аеродром, Кисела Вода и Сарај, а задутре корисниците од општина Карпош.
Како што информираат од Регионалниот центар за управување со кризи на Град Скопје, поради планирани зафати во електро дистрибутивната мрежа, без напојување со електрична енергија, утре од 7:00 до 16:00 часот ќе бидат корисниците од улиците „Божин Николов“, „Хаџи Трајко“ и „Горно Лисиче“, во делот кон селото Долно Лисиче.
Од 8:30 до 16:00 часот, корисниците од објектите во околината на Езеро – Треска во Сарај, а од 11:00 до 15:00 часот без струја ќе бидат корисниците од дел од улицата „Милан Мијалковиќ“.
Во вторник, 24 декември, од 19:00 до 12:00 часот без струја ќе бидат корисниците од дел од улицата Струшка во Општина Карпош.
Македонија
Дел од Сопиште без вода, цистерна ќе кружи низ улиците
Јавното претпријатие „Водовод и канализација“ информираше дека поради дефект на водоводна цевка во близина на Црквата Св. Мина во населба Сопиште, водоснабдувањето е прекинато за дел од корисниците.
Почнувајќи од 18:00 часот без вода се: улица 1, непарните улици 3, 5, 7 и 9, како и парните улици 8, 10, 12, 14 и 16.
Водоснабдувањето ќе биде прекинато до завршување со работните активности.
Од Јавното претпријатие информираат дека е обезбедена цистерна со питка вода која вечерва и утре ќе кружи низ овие улици во населбата.
Македонија
Три метларки од БРАКО за почисто Кавадарци
,,За почисто Кавадарци” и ,,Произведено во Македонија” се натписите на новите возила метларки кои почнаа да го чистат Кавадарци. Општина Кавадарци набави три метларки-свипери од домашно производство, односно од марката Грин Машинс на БРАКО и со оваа набавка, машинскиот парк на комуналното претпријатие сега е зголемен со три нови возила, кои се ефикасни и економични, а предност е што одржувањето и сервисирањето го обезбедува самиот производител кој се наоѓа во Велес.
Директорот на Грин Машинс, Ангел Анѓушев, при предавањето на возилата на комуналното претпријатие во Кавадарци, се заблагодари на довербата на градот, и потенцираше дека иако Грин Машинс продава во 50 држави низ целиот свет и дека годинава само во еден голем светски град се продадени 40 возила, сепак овие три возила во Кавадарци и значат многу на компанијата и на нејзините вработени затоа што ќе работат и ќе чистат дома, во Македонија.
Градоначалникот на Кавадарци, Митко Јанчев нагласи дека општината секогаш вложува во модерни решенија за подобри услуги за граѓаните и дека е прва општина по главниот град која во 2018г започна со машинско метење на градските улици.
(ПР текст)