Македонија
Франција со поддршка за компромис за името

Франција да има поголема улога во решавање на проблемот со името меѓу Македонија и Грција
Франција да има поголема улога во решавање на проблемот со името меѓу Македонија и Грција.
Ова е заедничкиот заклучок од средбата меѓу македонскиот премиер Никола Груевски и францускиот претседател Никола Саркози што денеска се одржа во Елисејската палата.
“Може да кажам дека претседателот на Франција покажа волја да помогне процесот да се приближи, да се реши, за да може Македонија да оди напред“, изјави премиерот Груевски по средбата.
Официјален Париз дал поддршка и за визната либерализација.
“На средбата се искажа фактот дека Македонија ги исполни сите стандарди за укинување на визите, и атмосферата е многу позитивна. Досега имаше три оценски мисии кои пристигнаа од Париз во Македонија за проверка на подготвеноста за визна либерализација, и сите се многу позитивни“, додаде Груевски.
Саркози, како што јавија попладнево електронските гласила, изјавил дека доколу ЕК предложи укинување на визите за Македонија оваа година, Франција недвосмислено ќе поддржи таква одлука./крај/ме/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Фудбалерот Лазаров не е единствениот, уште двајца спортисти загинаа во страотниот пожар во Кочани

Страшниот пожар што избувна во дискотеката во Кочани, го одзеде животот на повеќе од еден спортист. Покрај фудбалерот Андреј Лазаров, животот го загубиja и голманот Дамјан Танески (18) и кошаркарот Петар Ивановски (20).
Танески беше дел од младинската фудбалска репрезентација, а кариерата ја започна во штипски Мал Ајакс. Играше за младинските екипи на Вардар од Скопје, а подоцна беше член на Брегалница и на Кит Го од Пехчево. Тажната вест за неговата смрт ги потресе сите негови колеги и спортски пријатели, кои го опишаа како талентиран и посветен спортист.
Од друга страна, смртта на Ивановски ја потврди и неговиот матичен клуб Дино Баскет, кој во емотивна порака ја изрази својата тага поради загубата на нивниот талентиран играч.
– Со голема тага ја примивме веста дека меѓу жртвите во синоќешната трагедија е и нашиот соиграч Петар Ивановски. Петар беше многу почитуван меѓу пријателите и соиграчите, а како МВП на турнирот до 14 години остави длабока трага во кошаркарскиот свет. Беше прекрасна личност, борец со големо срце – напишаа од Дино Баскет.
Македонија
Обвинителството: Во тек се рочишта за определување притвори

Обвинителството утрово извести дека во тек се рочишта за определување притвори, а бројката е истата од последната информација синоќа.
Од таму додаваат дека во текот на денот ќе има информации за другите дејствија кои се преземаат.
Македонија
Каролина Гочева: „Со скршено срце се збогуваме со нашите пријатели, занемени од болка“

„Со скршено срце се збогуваме со нашите пријатели, колеги Андреј, Сара, Ѓорѓи, Александар Коларов, Александар Ефремов, Филип, Игор….“, напиша македонската пејачка Каролина Гочева на социјалните мрежи.
„Ќе продолжат да живеат во секоја песна и секое срце кое го имаат допрено преку нивната работа. Занемени сме од болка!
Најдлабоко сочуство до нивните семејства и најблиски!“, напиша Каролина Гочева.