Македонија ги исполни условите за укинување на шенгенските визи за своите граѓани, пренесува Макфакс

Македонија ги исполни условите за укинување на шенгенските визи за своите граѓани, пренесува Макфакс.

Ова го оценија анонимни дипломатски извори откако синоќа во Брисел Европската комисија (ЕК) и го врачи извештајот за напредокот на балканските земји – Босна и Херцеговина, Црна Гора, Македонија и Албанија – во исполнувањето на условите за укинување на визите на претседавачот со унијата – Чешка.

Земјите-членки на Европската унија веднаш треба да започнат разговори за тоа на кои земји од Балканот ќе им бидат укинати визите, јави Би-Би-Си, повикувајќи се на чешки функционери.

Заменикот-чешки министер за надворешни работи Јан Појар потврди доцна синоќа дека Извештајот е готов.

Појар, не сакајќи да зборува за неговата содржина, рече само дека документот содржи повеќе стотици страници и оти некои држави оствариле поголем, а некои помал напредок.

Според, анонимни дипломатски извори Комисијата смета дека Македонија ги исполнила условите за укинување на визите за своите граѓани, а шенгенските визи би можеле да бидат укинати и за граѓаните на Црна Гора.

Што се однесува до Србија, според истите извори ЕК смета дека има „одредени тешкотии“, додека Албанија и БиХ засега не ги исполниле условите.

Во Комисијата постои одредена доза на загриженост во врска со Србија, бидејќи право на српски пасош ќе имаат и косовските Албанци, како и граѓаните на Црна Гора и на Република Српска, кои имаат двојно државјанство.

Затоа на ЕК и се потребни дополнителни технички објаснувања околу начинот на издавање и безбедноста на српските пасоши. /крај/ббц/мп