Македонија
Ахмети – Компромис за името значаен за двете страни

Спорот со името со Грција претставува сериозна пречка во патот на Македонија кон евроатлантските интеграции, компромисот би бил многу значаен
Спорот со името со Грција претставува сериозна пречка во патот на Македонија кон евроатлантските интеграции, компромисот за ова прашање би бил многу значаен за двете страни.
Лидерот на ДУИ Али Ахмети ова го порачал денеска на средбата со пратениците во германскиот парламент, Валтер Колбов од редовите на СПД и Андреас Ламел од ЦДУ, на која присуствувала и германската амбасадорка, Улрике Кноц.
Ахмети позитивно го оцени досегашниот ангажман на меѓународната заедница во поттикнувањето на страните за компромис и изрази надеж дека истиот поттик треба да се интензивира уште повеќе, се наведува во соопштението од ДУИ.
Претседателот на ДУИ исто така оцени дека присуството на Албанците во разговорите за прашањето за името би било неопходно и продуктивно и дека партијата е во состојба да помогне за ова прашање.
На средбата станало збор за политичката ситуација во Македонија по претседателските и локалните избори, интеграцијата на земјата во НАТО и ЕУ, економската ситуација, имплементацијата на Рамковниот договор, правичното и пропорционалното застапување на Албанците во државните институции./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Карпош и Центар денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска:
· Поради дефект на приклучна водоводна цевка Ф-1“ и дефект на затварач од Ф-100мм на ул.Будимпештанска бр.25,прекинато водоснабдување ќе имаат корисниците од следните улици:Будимпештанска, Осло Љубица Георгиева, Бањалучка, Хашка и дел од Женевска.
Водоснабдувањето ќе биде прекинато од 09:00 часот до завршување на дефектот.(општина Карпош)
· Поради изведување на водоводен приклучок Ф 80“ на улица Пиринска бр.31, прекинато водоснабдување ќе имаат корисниците од ул.Пиринска и дел од ул.Ленинова од 09:00 часот до завршување.(општина Центар)
Македонија
Утрото ведро и посвежо, попладне до 30 степени

Утрото ведро и посвежо, преку денот сончево. Ќе дува слаб до умерен, наместа долж Повардарието повремено засилен северен ветер.
Минималната температура ќе биде во интервал од 4 до 15, а максималната ќе достигне од 23 до 30 степени.
Во Скопје, сончево, со слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 30 степенiи.
Времето во наредните денови
Продолжува периодот на претежно сончево време со посвежи утра и постепен пораст на дневната температура.
Македонија
Муцунски на средба со сенаторот Петер Велч во Вашингтон

На првиот ден од работната посета на Вашингтон, министерот за надворешни работи и надворешна трговија, Тимчо Муцунски, оствари средба со сенаторот Петер Велч, еден од иницијаторите на новата резолуција во Сенатот на САД со која се одбележуваат 34 години од независноста на Република Северна Македонија и 30 години од воспоставувањето на дипломатските односи меѓу двете држави.
Министерот Муцунски ја нагласи важноста на оваа резолуција како потврда за силното пријателство и доверба што ги обединуваат македонскиот и американскиот народ. Тој подвлече дека Република Северна Македонија останува посветена на заедничките евроатлантски вредности, демократијата, владеењето на правото и стабилноста на Западен Балкан.
На средбата се разговараше и за унапредувањето на билатералните односи, поддршката за европскиот пат на Северна Македонија, како и за заедничкото уверување дека посетата ќе отвори нови можности за уште посилна соработка меѓу двете земји.
Во текот на денот, предвидено е министерот Муцунски да оствари средби со повеќе претставници на Конгресот на САД, како и да се обрати на свечен настан организиран по повод 8 Септември – Денот на независноста, во присуство на македонската дијаспора.