Македонија
Екстерно тестирање нема да има оваа година

Македонските учениците од основните и средните училишта оваа година нема да полагаат екстерни тестови
– Македонските учениците од основните и средните училишта оваа година нема да полагаат екстерни тестови.
Уставниот суд денеска поведе постапка за одредби од законите за основно и средно образование, што се донесени во јули 2008 година, а кои се однесуваат на екстерна проверка на знаењето на учениците, за Макфакс потврдија од Уставниот суд на Македонија.
Судот изрече привремена мерка за запирање на извршувањето на актите и дејствијата што се базираат на законските одредби.
Според извори од Уставниот суд, конечна одлука легитимноста на екстерното оценување судот би требало да донесе за околу два месеца.
Екстерното тестирање за прв пат требаше да биде спроведено оваа година, со што ќе беа опфатени учениците од четврто до осмо одеделение и од прва до трета година средно образование.
Матурантите со неколку дневни протести успеаа да бидат ослободени од екстерното тестирање, кое што има за цел да го оцени знаењето на учениците и да ја процени објективноста при оценувањето на наставниците.
Министерството за образование и наука и покрај протестите и на останатите ученици остана цврсто на ставот дека ќе има екстерно оценување./крај/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сиљановска-Давкова го прими Ристо Дурловски, претседател на организацијата „Обединети Македонци во Канада“

Претседателката Гордана Сиљановска-Давкова денеска го прими Ристо Дурловски, претседател на организацијата „Обединети Македонци во Канада“.
На средбата, таа уште еднаш ја потврди својата определба за формирање на Совет за дијаспора, како политички исчекор во соработката меѓу државата и дијаспората. Во Советот, претседателката гледа институционален одговор на потребата од засилена и продлабочена комуникација со нашите иселеници во сите области.
Дурловски истакна дека примарна цел на Организацијата останува да биде промоцијата и заштитата на правата на Македонците во Канада, како и нивната интеграција во канадското демократско општество. За него, македонските корени се силна мотивација за поддршка на македонските национални интереси.
Соговорниците се согласија дека бројната македонска дијаспора може да биде фактор на зајакнување на канадско-македонските политички, економски, културни и други односи.
Македонија
Од утре авионско и терестрично прскање против комарци во Скопје

Градот Скопје ги известува граѓаните дека утре ќе започне авионска дезинсекција на подрачјето на градот Скопје, против возрасни форми на комарци, а на 16 септември терестрична дезинсекција против возрасни форми на комарци и ларви од комарци, односно:
1. Авионската дезинсекција на подрачјето на градот Скопје, против возрасни форми на комарци, ќе се одвива на 12.09.2025 (петок) и на 13.09.2025 (сабота), во раните утрински часови.
2. Терестричната дезинсекција на подрачјето на градот Скопје, против возрасни форми на комарци и ларви од комарци ќе се одвива од 16.09.2025 (вторник) до 19.06.2025 (петок), во период од 22.00 до 03.00 часот, наредниот ден
Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, кога временските услови ќе бидат поволни, додаваат од Градот Скопје.
Исто така се известуваат пчеларите навремено да ги преземат потребните мерки за заштита на пчелите.
Македонија
Зголемена фреквенција на возила на Табановце за излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На ГП Табановце за излез од државата се бележи зголемена фреквенција на возила, времето на чекање е околу 30 минути.
На останатите гранични премини од македонска страна, нема подолги задржувања за влез и излез од државата, додаваат од АМСМ.