Македонија
Црвенковски повторно претседател на СДСМ

Социјалдемократскиот сојуз на Македонија денеска повторно го избра Бранко Црвенковски за претседател на партијата, на својот деветти конгрес
Социјалдемократскиот сојуз на Македонија денеска повторно го избра Бранко Црвенковски за претседател на партијата, на својот деветти конгрес.
Црвенковски пред делегатите на конгресот рече дека СДСМ се наоѓа во вонредна состојба и доколку е потребно ќе бидат преземени и вонредни мерки, јави Македонската телевизија.
На СДСМ не и се потребни мали промени, туку длабока реформа, за да и се спротивстави на актуелната власт предводена од ВМРО-ДПМНЕ, порача лидерот на опозиционата партија пред неговиот избор.
Конгресот ја продолжува работата со разгледување на извештајот од локалните и претседателски избори.
Делегатите ќе треба и да ги констатираат оставките на членовите на Централниот и на Надзорниот одбор.
Црвенковски наскоро се очекува да го соопшти својот нoв тим./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Повторно го чистиме сметот на градот, барам да се прогласи вонредна состојба

Градоначалникот на Општина Центар Горан Герасимовски, информира дека пет дена ЈП „Комунална хигиена“ воопшто не се појавува на улиците во Центар за да го подигне сметот од улиците кадешто има надлежност. Тој, потенцираше дека утрово испратил допис до ЗЕЛС за итна седница кадешто ќе се побара решение за овој проблем.
„Ова ги надминува сите граници. Изминатите пет дена комуналното претпријатие воопшто не се појавува на улиците во Општина Центар и се соочуваме со огромни проблеми, а набрзо не дај боже и зарази. Нашите хигиеничари се во две смени, имаме дополнителна механизација којашто и во утринските и во вечерните часови е на терен и правиме сѐ да го расчистиме сметот и она што не го прави комуналното претпријатие веќе подолг период. Но, овие 5 дена како што кажав е навистина алармантно. Утрово пуштив допис до Управниот одбор на ЗЕЛС, се слушнав и со директорката на ЗЕЛС, побарав итна седница на ЗЕЛС кадешто ќе се побара решение на овој проблем“, рече Герасимовски.
Герасимовски, изјави дека разговарал и со неколку негови колеги од кои побарал дополнителна механизација за да го отстрануваат самите сметот, и ја повика Владата да размисли за вонредна ситуација.
„Разговарав со неколку мои колеги каде што побарав дополнителна механизација за да го отстрануваме самите сметот но, еве и јавно ја повикувам и Владата да размисли за вонредна ситуација, поради тоа што јавното комунално претпријатие и Град Скопје изминатите пет дена воопшто не се појавува на територија на Општина Центар за да го отстрани сметот од контејнерите. Нема да дозволиме ова да се случува на центарци, ќе направам сѐ, и јас и мојот тим на луѓе сето ова што се прави да престане. И затоа, уште еднаш пружам апел и до Владата, и до ЗЕЛС да ни помогне во овој дел, да се справиме заедно со сметот со којшто се соочуваме во Општина Центар“, посочи Герасимовски.
Македонија
ВМРО-Народна за изборите: Коректна и фер атмосфера

ВМРО-Народна партија им честита на сите политички партии за покажаниот демократски капацитет при реализацијата на предизборната кампања како и првиот изборен круг кој помина, како што оценуваат од оваа партија, во претежно коректна и фер атмосфера.
„ВМРО-Народна партија како активен учесник со свои кандидати покрај коалицијата со СДСМ, настапи и со свои листи во три општини и тоа: во општина Илинден со освоени 7.50% и еден советнички мандат, во општина Чешиново-Облешево 6.40% и еден советнички мандат, како и освоени 4% со градоначалничкиот кандидат во Тетово, Стевица Саркоски.
Напоменуваме дека овој резултат покрај секојдневната работа на теренот како и активното учество во политичките процеси изминатите четири години е постигнат без никакви реклами и нула проценти маркетинг.
ВМРО-Народна партија им благодари на сите членови, симпатизери и пријатели за добиените гласови како и искажаната доверба која ни дава нови сили и енергија да продолжиме да ја чуваме, како единствена партија, изворната идеологија на ВМРО, но и да се бориме како достоинствена опозиција и коректор на политиките на Власта“.
Македонија
Арсовска со реакција за фотографијата на Ѓорѓиевски, Меџити и Бакиу: Нека ви се честито дивоградбите, убаво сте излезени на сликава важно

Екс градоначалничката на Град Скопје, Данела Арсовска, со реакција на социјалните мрежи за заедничката фотографија на кандидатот за градоначалник на Град Скопје од ВМРО-ДПМНЕ, Орце Ѓорѓиевски, кој влезе во вториот круг од изборната трка, со новоизбраниот градоначалник на Чаир, Изет Меџити, и од кандидатот на коалицијата ВРЕДИ, Башким Бакиу.
„🧱🚧🏗️🧱 + ѓубре. Нека ви се честито дивоградбите. Ликов многу сака да прави нарачки против мене, а не му е јасно дека, да организира многу напади врз мене некој што нема намера да работи чесно, не е баш паметно. За ѓубрето низ Скопје нека се обрати кај претседателката на Управен Одбор на Комунална Хигиена, Јулијана Спировска од ВМРО која е правосилно осуден криминалец за 2 (две) кривични дела и истата го УПРАВУВА ѓубрето и КХС веќе 4 години.
Сега ќе го исчистеле за 72 часа. Нормално дечко дека ќе го исчистите, затоа што од инат го правите хаосот, ти кога ќе дојдеш да си многу успешен и способен за 72 часа со чистење ѓубре, ЗА ДА МОЖЕШ НА ВИСТИНСКОТО ЃУБРЕ ДА МУ ГО КРИЕШ КРИМИНАЛОТ И ДА СИ ПРОДОЛЖИТЕ СО ДИВОГРАДБИТЕ.
ВМРО/ВЛЕН се власт во град Скопје 4 години
ВМРО/ВЛЕН можеа сѐ да изгласаат во советот каде се мнозинство, но не сакаа
ВМРО/ВЛЕН не дозволија нова механизација во Комунална хигиена Скопје
ВМРО/ВЛЕН не дозволија да има вработени чистачи и управувачи со механизација во Комунална хигиена Скопје
ВМРО/ВЛЕН со своите членови на Управен одбор 4 години го управуваат Комунална хигиена Скопје
ВМРО/ВЛЕН 4 години го управуваат ЈСП
ВМРО/ВЛЕН 4 години ги управуваат СИТЕ јавни претпријатија, јавни установи и училишта.
Убаво сте излезени на сликава важно“, напиша Арсовска.