Македонија
Словенечкиот министер за одбрана идната недела во Скопје
Министерот за одбрана на Словенија Љубица Јелушиќ на почетокот на идната недела ќе престојува во официјална посета на Македонија
Министерот за одбрана на Словенија Љубица Јелушиќ на почетокот на идната недела ќе престојува во официјална посета на Македонија.
Во рамки на тридневната посета, која почнува в понеделник, Јелушиќ ќе биде примен од макеоднскиот претседател Ѓорѓе Иванов, а ќе има средби и со макеоднскиот министер за одбрана Зоран Коњановски, како и со праламентарци.
Проширување на НАТО, безбедносната ситуација во регионот, како и билатералната соработка на плето на одбранмата, ќе бидат теми на разговорите, соопшти макеоднското Министерство за одбрана./крај/с/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Цуцковски: Значајна финансиска поддршка од Министерството за култура за реализација на врвна програма
Националната установа „Охридско лето” за реализација на годинешната уметничка програма на Фестивалот кој се одржува од 12 јули до 20 август, од Министерството за култура и туризам доби 31 милиони денари.
Директорот на „Охридско лето“ Ѓорѓи Цуцковски вели дека со ваквата финансиска поддршка ќе се реализира квалитетна програма со врвни светски и домашни уметници.
„Годинава се издвоени финансиски средства кои се достојни за една вака голема музичко-сценска манифестација. Ова е значајна финансиска поддршка која ја добиваме од Министерството за култура и туризам за реализација на 40. фестивалски денови кои ќе донесат врвна програма достојна за одбележување на 65. успешни години“, вели Цуцковски.
Според него со реализацијата на програмата на 65. издание ќе се оправда во целост довербата која ја добива Фестивалот од Министерството за култура и туризам. Цуцковски кажа дека имињата на уметниците и деталите за самата програма по традиција ќе бидат објавени на официјална прес-конференција.
Од Фестивалот велат дека програма на „Охридско лето 2025″ е веќе при крај, а во тек се активностите за средување, опремување и адаптација на сцените и сценските простори за реализација на годинешното издание на Фестивалот.
„Огромна благодарност до министерот Зоран Љутков за одобрените 31 милиони денари со што потврдува дека ги препознава вистинските културни вредности. Ќе понудиме програма која ќе го надополни квалитетот на најголемиот културен настан како кај нас, така и на светската уметничка сцена“, вели Цуцковски.
Македонија
Герасимовски: Започна расчистување на дива депонија зад катната гаража Буњаковец
Службите на Општина Центар започнаа акција за чистење на голема дива депонија во Буњаковец, на локацијата позади катната гаража. Станува збор за јавен простор, нелегално заграден и узурпиран, кој од несовесни лица бил користен за одложување смет и мешан комунален отпад. Инспекциските служби на самото место затекнаа огромна количина отпад кој бил собиран, претставувајќи потенцијално жариште на зарази и закана за здравјето на жителите, особено поради тоа што се работи за локација во близина на трговскиот центар, станбени згради и ООУ „Јохан Хајнрих Песталоци”, информираат од Општина Центар.
Градоначалникот Герасимовски потенцира дека изминатиов период се расчистени повеќе депонии, како онаа кај Ист Гејт, а Општината поттикната од непостапувањето на Град Скопје, започна и голема акција во соработка со граѓаните, под мотото „Центар не чека, Центар чисти.“
,,Во рамки на оваа акција, исчистивме повеќе населби, особено просторот околу контејнерите и кантите кои се под надлежност на Град Скопје, но не се одржуваат редовно и претставуваат жаришта на зарази. Граѓаните на Центар заслужуваат чисти улици и места каде што ќе можат безбедно да го поминуваат своето слободно време во здрава животна средина”, истакна Герасимовски.
Тој посочува дека чистењето на дивите депонии останува приоритет, со цел да се спречи загадувањето и да се заштити здравјето на граѓаните.
,,Ги повикувам сите жители да се приклучат кон акцијата и да пријавуваат диви депонии, но пред сè да покажат еколошка одговорност и грижа за својата населба и околина”, апелира градоначалникот на Општина Центар.
Македонија
Мисајловски-Памер: изразена подготвеност за имплементација на новиот билатерален план за соработка со Австрија
Министерот за одбрана Владо Мисајловски оствари средба со амбасадорот на Австрија, Мартин Памер.
Мисајловски изрази подготвеност за поддршка и имплементација на новиот билатерален план за соработка со Австрија кој опфаќа широк спектар на активности од различни области.
„Ја цениме нашата заедничка соработка за која секогаш има простор за унапредување и развој. Преку заедничката одбранбена соработка ги развиваме и јакнеме одбранбените способности на нашите земји, а со тоа ја зацврстуваме и безбедноста“ рече Мисајловски.
На средбата беше заклучено дека преку заедничката одбранбена соработка ги развиваме и јакнеме одбранбените способности на нашите земји, а со тоа ја зацврстуваме и безбедноста на поширокиот регион.