Македонија
Тројца ранети во оружен инцидент во кумановско

Три лица се ранети во оружен инцидент што се случил во кумановското село Черкезе, најверојатно поради нерасчистени имотно-правни односи
Три лица се ранети во оружен инцидент што се случил во кумановското село Черкезе, најверојатно поради нерасчистени имотно-правни односи, соопшти денеска полицијата.
Според истиот извор, четири непознати лица од возило во движење пукале во вторникот вечер во домот на Б.А.(25), по што исчезнале во непознат правец.
Од испуканите проектили,ранети се Б.А., неговата сопруга С.А.(19) и сестра З.А.(29).
Брачниот пар е задржан на лекување во кумановската болница./крај/с/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Ах бре убаво дете, сите списоци, сите болници ги баравме за да те најдеме, Струмица загуби талентиран музичар“, напиша Костадинов

„Ах бре убаво дете, сите списоци, сите болници ги баравме за да те најдеме, само да ни кажат дека си тука…“, напиша градоначалникот на Струмица, Костадин Костадинов на социјалните мрежи.
„Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции.
Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца“, додаде Костадинов.
Македонија
Двајца пациенти се на респиратор, а уште двајца може да завршат на респиратор во „Св. Наум Охридски“, некои се со 60 отсто изгореници

Двајца од хоспитализираните 29 лица во Клиниката за хируршки болести „Св. Наум Охридски“ по пожарот во дискотека во Кочани се на респиратор, а останатите се во стабилна состојба која постојано се следи оти се менува од час во час. Директорот на болницата, Небојша Настов, вели дека има уште двајца повредени на кои може да им треба респираторна поддршка.
„Засега двајца се на респиратор, но има уште двајца кои потенцијално може да завршат на респиратор во текот на денот и оставам простор евентуално да се влоши состојбата кај некој друг. Со надеж дека тоа нема да се случи. 29 пациенти се вкупно примени. Возраста е од 17 до 45 години. Се прави обработка на изгорениците, примарно отстранување на девитализираното ткиво. Заради тоа што во првиот момент не можете да видите кое ткиво е девитализирано, се прават преврски секој ден или секои два дена и се увидува потреба од отстранување на девитализираното ткиво. Изгорениците тргнуваат од 5-6% стигнуваат до 60% “, вели директорот Настов.
Тој објасни дека има пациенти кои вдишале чад, но и пламен.
„Работата е во тоа што најголемиот дел од изгорениците се во пределот на главата, на вратот и лицето, што подразбира дека најверојатно дошло до вдишување како на гасови така и на пламен. Не можеме да бидеме децидни во моментов колкумина ќе имаат потреба од респиратор“, вели директорот Настов.
Во овој момент, според него, нема барање за лекување во приватни болници или во странство. Понуда за помош на болниците директорот Настов вели дека имаат од Бугарија и од Србија. Евалуацијата на пациентите најави дека ќе ја прават на дневна база, ако има потреба и од час на час и подготвени се доколку има потреба да ги спремат пациентите и да ги испратат на лекување надвор од земјава.
Македонија
Итна седница на Советот на Град Скопје во вторник

Градот Скопје изразува длабоко сочувство до семејствата на настраданите во страшната несреќа која ноќеска се случи во Кочани. Трагедијата која што се случи е огромна, нема зборови што можат да ја искажат болката и тагата за загубата на нашите сограѓани.
Сочувство до семејствата и роднините на настраданите изразија Претседателот на Советот на Град Скопје и Градоначалникот на Град Скопје кои во рамки на коодинираните активности за помош на семејствата на жртвите и повредените при катастрофалниот настан во Кочани, организираат итна седница на Советот на Град Скопје која претседателот на Совет ќе ја свика за вторник 18 март.