Македонија
Времено вработување на 5.000 невработени за изведување јавни работи

Околу 5.000 невработени лица ќе бидат времено ангажирани од јули до декември оваа година за извршување јавни работи, во проекти изготвени од ЗЕЛС
Околу 5.000 невработени лица ќе бидат времено ангажирани од јули до декември оваа годиназа извршување јавни работи, во проекти изготвени од Единиците на локалната самоуправа.
Ова се предвидува со измените и дополнувањата на Оперативниот план за активни програми и мерки за вработување за 2009. година, усвоени на владина седница на 2. јуни.
Според министерот за труд и социјална политика Џелал Бајрами, измените на Оперативниот план се дел од владиниот антикризен пакет, а со цел преку изведување на јавни работи да се ублажат последиците од глобалната економска криза.
За сите ангажирани лица до крајот на годината се обезбедени месечни примања по 7.600 денари, но од овие средства ќе се одбие данокот и здравственото осигурување, така што работниците ќе примаат по 6.300 денари.
„Целта на оваа програма е ангажирање на долгорочно невработените лица, ниско квалификувани, повозрасни и други невработени лица заради стекнување на одредени работни знаења и вештини, како и за намалување на сиромаштијата“, рече Бајрами.
Тој додаде дека за време на работното ангажирање невработените и натаму имаат право да ги користат стекнатите права по основ на невработеност.
Министерот Бајрами рече дека локалната самоуправа може да обезбеди дополнителни средства за организирање храна и превоз на работниците, доколку е потребно.
Директорката на Агенцијата за вработување Лилјана Јовановска, истакна дека временото ангажирање на невработените лица ќе им овозможи стекнување на нови практични знаења и вештини, кои подоцна може да им користат при идните вработувања.
„Овие мерки за вработување се насочени кон тоа да се зголеми подготвеноста на невработените лица активно и колку е можно за покус временски период да се вклучат на пазарот на трудот, со зголемување на нивната вработливост што води кон побрзо“, рече Јовановска.
Поддршка на проектот даде и претседателот на Заедницата на Единиците на локална самоуправа(ЗЕЛС) и скопски градоначалник Коце Трајановски.
„Во овие услови од голема важност е реализацијата на јавни работи и тоа како за невработените лица, така и за локалниот економски развој на единиците на локалната самоуправа“, рече Трајановски. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожарот зафати само надворешен дел од дворот на Психијатриската болница Бардовци, нема причина за загриженост, велат од МЗ

По пожарот што вчера зафати дел од тревна површина во дворот на ЈЗУ Психијатриска болница „Скопје“, Министерството за здравство ја информира јавноста дека ситуацијата е целосно ставена под контрола и нема причина за загриженост.
Од безбедносни причини, во краток временски период беше спроведена превентивна евакуација на дел од пациентите и вработените. Навремената и координирана интервенција на надлежните служби спречи проширување на пожарот кон болничките објекти. Не е причинета никаква материјална штета врз објектите и не се регистрирани повредени меѓу пациентите и персоналот.
Пожарот зафати само надворешен дел од дворот, обраснат со сува трева и истиот е успешно локализиран.
Во објектите на болницата има присутен дежурен медицински и административен персонал и активно ќе ја следат состојбата.
Македонија
(Видео) Во седум налети хеликоптерот на МВР исфрли 10 тони вода

Вчера полициски службеници од Хеликоптерската единица за полициски намени при МВР, а по претходно добиено барање од ЦУК за преземање активности во врска со гаснење на пожар во реонот на Блаце, се упатија со хеликоптерот Бел 412 за извршување на задачата.
Во седум налети хеликоптерот исфрли 10 тони вода, а потоа поради ноќните услови се врати во базата, извести МВР.
Македонија
ЗНМ: Апелите од Министерството за здравство се на граница на цензура

Здружението на новинари на Македонија (ЗНМ) со загриженост ја следи јавната комуникација на Министерството за здравство, во која се упатуваат апели до медиумите кои се ограничувачки по својата содржина и претставуваат обид за воспоставување на лоша институционална пракса во односите со медиумите.
„Како ЗНМ, го осудуваме обидот на Министерството да наметнува практични правила за тоа како медиумите треба да известуваат, особено кога тоа се однесува на чувствителни настани од јавен интерес. Таквите инструкции, иако формално претставени како апели, во суштина се форма на институционален притисок и можна цензура, што е спротивно на основните демократски принципи и правото на слобода на изразување“, велат од ЗНМ.
Потсетуваат дека членот 16 од Уставот гарантира слобода на јавното информирање и забрана на цензурата, а прашањата поврзани со новинарската етика и професионализмот припаѓаат исклучиво на саморегулаторната сфера. За тие прашања постојат Советот за етика во медиумите и Судот на честа при ЗНМ, кои се единствено надлежни да оценуваат евентуални повреди на етичките норми.
„Ги повикуваме новинарите и медиумските работници да продолжат да известуваат со професионализам, етика и чувствителност, особено кога се работи за трагични настани и ранливи групи. Но истовремено, укажуваме дека секој обид за институционално ограничување на пристапот до информации и начинот на известување е неприфатлив и штетен по јавниот интерес“, велат од Здружнието.
ЗНМ останува отворено за дијалог со институциите со цел унапредување на транспарентноста и заемната соработка, но цврсто стои во одбрана на уредувачката независност, медиумската слобода и правото на јавноста да биде информирана – како темелни вредности на секое демократско општество.