Македонија
Македонските уметници: Визна либерализација за Македонија
Македонските уметници имаат потреба од визна либерализација за да можат полесно да ја презентираат македонската култура надвор од државата
Македонските уметници имаат потреба од визна либерализација за да можат полесно да ја презентираат македонската култура надвор од државата.
Ова е заедничкиот став на големиот број истакнати македонски уметници кои денеска учествуваа на дебатата „Уметниците за визната либерализација“ во Скопје посветена на прашањето за визна либерализација и потребата од истата.
Претставниците на различни уметнички сфери го споделија своето искуство со визната бариера и го искажаа својот став за придобивките од укинувањето на визите за разменување на културните искуства со светот.
Дебатата ја отвори министерката за култура, Елизабета Канческа Милевска која истакна дека станува збор за една значајна тема за Македонија и за културата воопшто, како и за уметничката и креативната моќ на нашите уметници.
Истакнатиот македонски сликар Александар Станковски посочи дека „калимеровска приказна“ е метафора за нашата земја и проблемот со визната либерализација.
Тој рече дека одлучил да не оди никаде каде што е поканет да изложува, туку ги праќа само неговите дела и со тоа го искажува протестот кон визната бариера.
Директорката на македонската филхармонија, Маја Чанаќевиќ рече оти музичарите од нејзината институција многу често се спречени да отпатуваат надвор од државата и да ја претстават македонската уметност токму поради потребата од визи.
Дел од уметниците, истовремено и директори на културни институции, посочија дека уметниците се во првата борбена линија за претставување на македонската култура, но постојат големи проблеми со чекањето во ред за добивање виза, која што многу често е во траење и од само неколку дена.
Режисерот и новинар, Игор Ивковиќ во рамки на своето излагање рече дека Македонија иако се наоѓа во Европа, македонските уметници некогаш многу полесно добиваат визи од САД; Канада, па дури и од држави на Далечниот Исток.
Некои од учесниците на дебатата сепак посочија дека немале проблеми со добивање визи. Тие ја истакна потребата од укинување на визите за сите Македонци без оглед на професијата./крај/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.