Министерството за здравство презеде мерки за да го подготви здравствениот систем за објавувањето на пандемија – евентуално заболување од новиот грип

Министерството за здравство ги презеде сите неопходни мерки за да го подготви здравствениот систем за објавувањето на пандемија, односно за евентуална појава на случај на заболен од новиот тип на грип во Македонија.

Ова се наведува во изјава на министерот за здравство д-р Бујар Османи, по повод одлуката на СЗО за прогласување пандемија на грип

Денеска, заседаваше Комисијата за пандемиски грип која меѓудругото констатираше дека здравствениот систем на Република Македонија е подготвен навремено да реагира и да го спречи ширењето на болеста, доколку таа се појави, изјави министерот.

Преземени се сите превентивни мерки за брза реакција доколку се појави случај со симптоми на болеста, спречување на нејзиното ширење и лекарски третман на евентуално заразените лица, вели Османи

Уште еднаш сакам да потенцирам дека во Република Македонија досега нема регистриран случај со новиот тип на вирус на грип од типот А(H1N1) или таканаречен „свински грип“, ниту кај луѓето, ниту кај животните, но ние се подготвуваме, согласно на препораките на СЗО, за ефикасен одговор кога тој случај ќе се појави, вели министерот.

Тој апелирам до граѓаните да се придржуваат до следниве основни упатства:

– Одржувајте ја личната хигиена преку често и темелно миење на рацете со вода и сапун

– Покривајте го носот и устата при кивање и кашлање со хартиено шамиче, кое потоа треба да го фрлите во канта за отпадоци;

– Избегнувајте да ги допирате очите, носот и устата по допирање на предмети кои би можеле да се загадени;

-Често проветрувајте ги просториите во кои престојувате,

-Внесувајте повеќе течности и витаминска храна, избегнувајте стресни состојби, бидете физички активни и најдете време за одмор и добар сон.

– Избегнувајте близок контакт со лица кои покажуваат симптоми на грип;

– Доколку почувствувате симптоми кои наликуваат на грип, како што се висока температура, кашлање и малаксаност, веднаш јавете се по телефон кај вашиот матичен лекар, во службата на итна медицинска помош или во Заводот за здравствена заштита или. Лекарите ќе одлучат за вашето понатамошно лекување./крај/с/ил