Македонија
Просечната плата во април се искачи на 20.167 денари
![](https://makfax.com.mk/wp-content/uploads/2016/11/14ee0adc-76b4-4071-bffa-ad155dfef775.jpeg)
Просечната плата во Македонија во април годинава изнесувала 20.167 денари (околу 328 евра), соопшти денеска Заводот за статистика
Просечната плата во Македонија во април годинава изнесувала 20.167 денари (околу 328 евра), соопшти денеска Заводот за статистика.
Априлската плата е за 29,2 насто поголема во однос на истиот месец лани, а во споредба со претходниот месец е зголемена за 2,1 процент.
Во април годинава најмногу се зголемиле платите во секторите Здравство и социјална работа (46,7%), Јавна управа и одбрана, задолжителна социјална заштита (39%) и Снабдување со електрична енергија гас и вода (38,9%).
Најголем пораст на платите во април во однос на март е забележано со секторите Финансиско посредување (13,6%), Рударство и вадење камен (10,2%) и Сообраќај, складирање и врски (2,9%).
Во април годинава 3,9 насто од вработените не зеле плата.
Просечната месечна исплатена бруто-плата по вработен во април 2009 изнесува 30 139 денари, се наведува во соопштението на заводот за статистика и се напоменува дека од при споредувањето на платите на годишно ниво треба да се земе предвид фактот дека со примената на концептот-бруто плата настанаа структурни промени во податоците за нето-плата со вклучување на надоместоците за храна и превоз во платите./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.