Македонија
Милошоски на дводневен неформален состанок на ОБСЕ на Крф

Министерски состанок на земјите членки на ОБСЕ, на кој ќе учествува и шефот на македонската дипломатија Антонио Милошоски, се одржува во Грција
Министерски состанок на земјите членки на ОБСЕ, на кој ќе учествува и шефот на македонската дипломатија Антонио Милошоски, се одржува на грчкиот остров Крф.
Засега нема потврда дали министерот Милошоски, на маргините на дводневниот состанок на Крф, ќе се сретне со шефицата на грчката дипломатија Дора Бакојани.
Милошоски синоќа изрази надеж дека ќе се сретне со министерката за надворешни работи на Грција Дора Бакојани.
„Се надевам дека ќе имаме прилика да се сретнеме со нашите грчки колеги и да го продолжиме дијалогот“, рече Милошоски.
„Да испратиме една порака на пријателство до грчкиот народ и да укажеме дека компрмисот и заедничкиот јазик е нешто што е наша цел, но тоа да биде постигнато на рампорвани основи, и без било која страна да се почувствува загрозена или да и биде нарушен националниот дигнитет.
Македонскиот министер вчера допатува на Крф со владиниот лирџет, на кој е испишано уставното име на државата, за што грчките власти, како што соопштија направиле, исклучок, бидејќи недозволуваат прелет ни слетување на македонски авиони.
Во рамките на министерсткиот состанок на земјите членки на ОБСЕ, вчера на Крф се одржаа разговори Русија-НАТО, насочени кон решавање на проблемите меѓу двете страни по ланската руско-грузиска војна.
Шефовите на дипломатиите и други претставници на 56 држави членки на ОБСЕ на Крф дискутираат за прашања поврзани со современите безбедносни предизвици со кои се соочува Европа.
Меѓу нив и за потребата од зајакнување и унапредување на постоечките европски безбедносни аранжмани и структури и изнаоѓање на начини и механизми за брз и ефикасен заеднички одговор на можните закани по мирот и стабилноста на државите од европскиот континент.
Состанокот ќе се одвива на три главни теми и сесии, 1. сеопфатна и неделива безбедност-потврда на постигнувањата и разгледување на перспективите, 2. обновување и зајакнување на меѓусебната доверба и разбирање-процена на заканите предизвиците и 3. зацврстување на соработката во Европа – промовирање на безбедноста во Европа. /крај/со/ст/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Митева: Итна реакција од сите надлежни институции за скандалозното однесување на градоначалникот Дехари

Снимките кои излегоа во јавноста, на кои јасно се гледа односот на градоначалникот на Кичево, Фатмир Дехари, кон жени вработени во Општината, претставуваат скандал и срам за државата, изјави Марија Митева, член на ИК на ВМРО-ДПМНЕ.
Според неа, навредите, понижувањето и злоупотребата на службената позиција се однесување кое не му доликува на човек, а уште помалку на градоначалник.
„Најостро го осудуваме овој чин и бараме итна реакција од сите надлежни институции и организации, од Јавното обвинителство кое треба и мора да го провери овој случај, дали бил изолиран или пак станува збор за начин на делување на Дехари, па се до Народниот правобранител и сите организации кои ги застапуваат и штитат правата на жените“, рече Митева.
Таа додава дека нема простор за молк и дека ова е чин за осуда и санкционирање.
„Секој кој ја злоупотребува својата функција за навредување и вознемирување на своите вработени мора да сноси кривична, но и морална одговорност. Дехари со ваквото однесување ја изгуби секоја доверба, градоначалник кој покажал такво непочитување кон жените и институцијата што ја води, не ја заслужува довербата на граѓаните. И сигурни сме дека и албанската заедница се срами од ваквото однесување, бидејќи ова не е прашање на етничка припадност, туку на човечко достоинство и морал“, изјави Митева.
Македонија
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски

Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да се случи уште во првиот круг. Вели дека победа во првиот круг очекува не за себе, туку поради граѓаните, оти пролонгирање на процесот за три недели ќе значи пролонгирање на голготата која сега се случува.
„Искрено, да, очекувам силна победа во првиот круг. Верувам во народот, верувам во граѓаните. Таа победа јас не ја барам и не ја очекувам поради себе, не ја очекувам за да добијам политичка круна од сето тоа. Де факто, во Скопје на сите им е јасно кој ќе биде победникот на овие избори, но победата во првиот круг би значела многу побрзо влегување во костец со проблемите. Каде и да погледнете околу нас, имаме мини депонии, околу сите микролокации со контејнери. Три недели пролонгирање на целиот процес ќе биде три недели повторно живеење во голгота и во хаос“ вели Ѓорѓиевски.
Победа во првиот круг рече дека бара и оти доаѓаат зимските месеци кога градот треба да се реорганизира и да не дозволи повторно возрасни лица, студенти и средношколци да чекаат со часови и да мрзнат на автобуските станици.
„Знаете дека сум работник и ќе дадам сè од себе многу бргу да ги средиме сите процеси, да ги нормализираме од првиот ден кога ќе влезам во Град Скопје. Пролонгирањето на три недели само ќе значи пролонгирање на целата голгота што се случува. Јас сум апсолутно свесен дека има кандидати како никогаш досега. Математички е изводливо ако народот реши на таков начин да постапи. Јас верувам силно во овој народ. Изминативе четири години покажав дека апсолутно во сите ситуации сум на страната на граѓаните, дека тие ми се приоритет, дека човекот ми е приоритет и така ќе функционирам во наредните четири години“, рече Ѓорѓиевски и ги повика и граѓаните, но и политичките партии, да му дадат поддршка за победа во првиот круг од изборите.
И денес ветуваше дека кога ќе стане градоначалник на Скопје, градот ќе блесне, односно покрај тоа што ќе го исчисти, ќе го реши и сообраќајниот хаос. Во првите шест месеци вети дека ќе се заврши мостот на „Љубљанска“ и поврзувањето од Карпош кон „Скупи“, на крајот од првата година од мандатот ќе заврши изградбата на клучката кај Момин Поток, веднаш по изборите рече дека ќе почне да ја проширува улицата Цветан Димов во Чаир за да има шест коловозни ленти, а истовремено ќе ги почне и кружните текови во центарот неопходни за да почне да функционира подземната сообраќајница под „Лимак“, како и првата фаза од булеварот Хрватска, кој ќе ги поврзе Гази Баба и Бутел и ќе го растовари метежот во Автокоманда.
Македонија
Судот го забрани штрајкот на контролорите на летање

Судот го забрани штрајкот на контролорите на летање, соопшти М-НАВ АД Скопје.
„Основниот граѓански суд Скопје на 16.10.2025 година донесе решение со кое се усвојува предлогот на М-НАВ АД Скопје за изрекување привремена мерка – забрана на најавениот штрајк од страна на Струковиот синдикат на контролорите на летање ССКЛ – подружница на Независниот синдикат на работниците од сообраќајот и врските на РСМ Скопје“, се наведува во соопштението.
Според М-НАВ АД Скопје, со оваа одлука судот утврди дека најавениот штрајк е спротивен на законските одредби бидејќи не била спроведена постапката за мирно решавање на колективните споровои, како и дека штрајкот не произлегува од конкретни барања од работен однос.
„М-НАВ АД Скопје го поздравува решението на судот и ја нагласува својата определба за почитување на законитоста, континуирано обезбедување на безбедност и непречено функционирање на воздушниот сообраќај во Република Северна Македонија“, се наведува во соопштението.
Синдикатот претходно најави дека македонскиот воздушен простор ќе биде целосно затворен за сообраќај на 20 и 24 октомври. Според нив, состојбата во претпријатието задолжено за безбедноста во авиосообраќајот е загрижувачка, а неопходните кадровски решенија се одложуваат и блокираат. Тие исто така обвинуваат и за партиски вработувања.