Опозициониот СДСМ настојува да се врати на власт по истото сценарио како во 2001 со заплашување на граѓаните за наводна дестабилизација

Опозициониот СДСМ настојува да се врати на власт по истото сценарио како во 2001 со заплашување на граѓаните за наводна дестабилизација на меѓуетничките односи, оцени денеска ВМРО – ДПМНЕ.

Според владеачката партија, СДСМ креира впечаток за дестабилизација на меѓуетничките односи во координација со една албанска партија и една македонска партија, поранешен коалиционен партнер на ВМРО-ДПМНЕ

„Нашите информации се дека на овие координации било договорено засилено да се работи на нарушување на впечатокот за добрите меѓуетнички односи во Македонија.”, соопшти владеачката ВМРО – ДПМНЕ.

Според оваа партија, намерата на опозициониот СДСМ и нејзиниот лидер Црвенковски слично како во 2001 година, е желбата да се врати на власт.

„Ова е веќе видено сценарио во Македонија. Црвенковски се обидува да го врати старото време на постојано заплашување на граѓаните за некакви дестабилизации, омраза и нетрпеливост, за закочување“, соопшти ВМРО – ДПМНЕ.

Партијата на власт го повика Црвенковски „да престане со ваквата практика на внесување на поделби и ширеше на лажни тези за дестабилизација, бидејќи повеќе македонските граѓани не му веруваат”.

Во врска со прашањата од СДСМ до премиерот дали вицепремиерот Ивица Боцевски ја поднел оставката поради наводни средби со високи грчки дипломати за прашањето за името.Од владејачката партија одговорија:„Се работи за уште една конструкција на Социајлдемократскиот сојуз и најблаго кажано тоа е глупост. Оставката на еден министер е најнормална работа и демократски чин. Затоа уште еднаш апелираме до Социјалдемократскиот сојуз да прекине да се изживува врз судбините на луѓето, без разлика дали се на функција или не се на функција, затоа што тоа не е човечно“.крај/с/ег/ил