Македонија
Нимиц ќе го опипува пулсот на Скопје и Атина

Специјалниот претставник на Обединетите нации(ОН) во спорот за името Метју Нимиц денеска и утре треба да престојува во Македонија, по што ќе отпатува
Специјалниот претставник на Обединетите нации(ОН) во спорот за името Метју Нимиц денеска и утре треба да престојува во Македонија, по што ќе отпатува во Грција.
Посета следи по разговорите што Нимиц ги имаше со амбасадорите на двете земји, Зоран Јолевски и Адамантиос Василакис, на 22. јуни во седиштето на ОН Женева.
По средбата со преговарачите Јолевски и Василакис, медијаторот рече дека е време за интензивирање на потрагата по решение за името, при тоа додавајќи дека двете страни остануваат во своите рововски позиции.
Нимиц, на прес конференција, рече дека во Женева се разговарало токму за областите во кои досега немало напредок во преговорите, што всушност го блокирало и целиот тој процес.
Според грчки дипломатски извори, има малку надеж за сериозен напредок во преговорите.
Медијаторот Нимиц во Скопје ќе биде примен од претседателот Ѓорге Иванов и премиерот Никола Груевски, додека во Грција најверојатно ќе оствари средба со шефицата на грчката дипломатија Дора Бакојани и амбасадорот Василакис. /крај/ме/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Со фалсификати две лица пререгистрирале ловечко друштво, па издавале дозволи за лов без печат и потпис

Полицијата поднесе кривична пријава против И.А.(52) од струшкото село Лабуништа и против А.Џ.(35) од селото Подгорци поради фалсификување исправа и измама.
Од МВР велат дека во текот на 2024 година, со намера да пререгистрираат и присвојат ловечко друштво од Вевчани, пријавените почнале да собираат потписи и изготвиле лажни изјави од лица од околните села, набавиле фалсификувана исправа и печат на непостоечко здружение и фалсификувале потписи на негови членови.
Истите документи, како што информираа од полицијата, без да бидат заведени на нотар, ги приложиле во Централен регистар во Тетово, каде без да се изврши преглед на доставената документација и спротивно на закон, било издадено решение за промена на статутот, по што го пререгистрирале ловечкото друштво.
После тоа, пријавените започнале да управуваат и да издаваат дозволи за лов без печат и потпис.
Македонија
(Видео) Крадец снимен како го ограбува манастирот „Успение на Пресвета Богородица”

Непознато лице го ограбило манастирот „Успение на Пресвета Богородица“ во село Обрштани, Кривогашатани. На снимката од безбедносните камери се гледа машко лице со маска на главата како краде пари од манастирот.
„Во текот на ноќта манастирот ‘Успение на Пресвета Богородица’ е ограбен. Секој што ќе го препознае сторителот да ги извести членовите на манастирскиот одбор“, повикаа од манастирот.
Македонија
Битола, Струга, Чаир се меѓу општините кои не аплицирале за проекти, рокот истекува за помалку од една недела

Седумнаесет општини воопшто не аплицирале за инфраструктурни општински проекти, за што Владата доделува средства од унгарскиот кредит. Во оваа група се Сарај, Центар, Чаир, Шуто Оризари, Липково, Пробиштип, Валандово, Росоман, Боговиње, Врапчиште, Маврово Ростуше, Теарце, Дебар, Струга, Битола, Крушево, Долнени.
Министерот за локална самоуправа Златко Перински рече дека 36 општини аплицирале со проекти во вредност од максимумот на финансиски средства кои им следуваат согласно формулата по глава на жител, додека 27 општини имаат можност да аплицираат со уште проекти до максимум предвидената сума.
Владата апелира уште еднаш до сите локални самоуправи да ја искористат можноста и да го запазат законски предвидениот рок за пријавување до 30 април.