Македонија
Парламентот расправа за реконструкцијата на Владата
Македонското собрание денеска се очекува да расправа за изборот на нови министри, по оставката на првите луѓе во секторите за евроинтеграции
Македонското собрание денеска се очекува да расправа за изборот на нови министри, по оставката на првите луѓе во секторите за евроинтеграции, финансии, образование и земјоделство.
На собраниската седница закажана за 11 часот се предлозите за избор на министри, именување на заменици министри, како и разрешување на член во Владата на премиерот Никола Груевски.
Според најавите, нов министер за финансии и потпретседател на Влада треба да биде Зоран Ставревски.
За нов вицепремиер за економија е предложен Владимир Пешевски, а ресорот евроинтеграции ќе го води Васко Наумовски.
Ресорот образование е предложено да го води Никола Тодоров, а нов министер за земјоделство треба да биде Љупчо Димовски, со Перица Ивановски како заменик министер. За заменик министер во транспорт и врски е предложен, Горан Михајловски.
Министерот за финансии Трајко Славевски ќе биде разрешен на барање на премиерот Груевски.
Министрите за образование и земјоделство, Перо Стојановски и Ацо Спасеновски самите си поднесоа оставки, заедно со заменикот во земјоделие Христијан Делев. Првата оставка во влада на Груевски ја даде мината недела вицепремиерот за евроинтеграции Ивица Боцевски./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.