Македонија
Оскаровецот Мориконе на отворањето на Охридско лето
Италијанскиот композитор Енио Мориконе в недела свечено ќе го отвори 49-то издание на Охридско лето во Античкиот театар
Италијанскиот композитор Енио Мориконе в недела свечено ќе го отвори 49-то издание на Охридско лето во Античкиот театар.
Манифестацијата традиционално ќе биде отворена на верскиот празник Петровден, кога Мориконе ќе го води концертот на унгарскиот оркестар Гјор, на кој ќе настапи и Хорот на Македонската опера и балет и сопранот Сузана Ригачи.
На програмата е музика од филмовите „Добриот, лошиот и грдиот“, „Беше еднаш на Дивиот Запад“, „Недопирливите“, „Беше еднаш во Америка“.
Претседателот на Македонија Ѓорге Иванов, како што соопшти денска неговиот кабинет, го одликува Мориконе со медал за заслуги за Македонија, признание кое на прославениот уметник ќе му биде врачено попладнево.
„Мориконе се одликува поради исклучителните резултати во неговфот музичко творештво, како и за учеството на годинешниот фестивал, со што даде придонес за афирмација на Македонија во светот“, соопшти претседателскиот кабинет.
Освен Мориконе, кој е ѕвездата на фестивалот, во Охрид ќе настапат и други познати музички имиња, како Един Карамазов кој соработува со Стинг.
Покрај редовната, и годинава ќе има оф-програма со етно, џез и поп-концерти. Античкиот театар, Долни Сарај, црквата Света Софија и нејзиното предворје се стандардните локации на кои ќе се одржува Фестивалот.
Во театарскиот дел од програмата, на Охридско лето доаѓа претставата „Среќни денови“ на еден од најславните режисери на денешницата – Роберт Вилсон, а прв пат ќе гостува и театарот Ист Вест на познатиот Харис Пашовиќ.
Фестивалот и во своето 49-то издание, се очекува да го потврди високиот меѓународен углед на манифестација со највисоки уметнички дострели и со сите нему својствени карактеристики и специфичности што го прават посебен , препознатлив и единствен во овие наши простори./крај/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Собранието седници на три комисии
Во Собранието денеска седници ќе одржат Комисијата за финансирање и буџет, Законодавно-правната комисија и Комисијата за политички систем и односи меѓу заедниците.
На дневен ред на Комисијата за финансирање и буџет и Законодавно-правната комисија се две точки – Предлог на законот за изменување и дополнување на Законот за експропријација, по скратена постапка и Предлог на законот за изменување и дополнување на Законот за спречување перење пари и финансирање на тероризам, со европско знаме и по скратена постапка.
Скопје
Делови од Ѓорче Петров и Кисела Вода денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат:
-Во период од 10:30 – 11:00 часот, дел од корисниците на место.наречено Присојница – Горно Нерези во општина Ѓорче Петров
– Во период од 09:00 – 12:00 часот, дел од булевар Борис Трајковски (кај Вардар мебел) во општина Кисела Вова.
Македонија
Сончево со мала до умерена облачност
Времето денеска ќе биде сончево со мала до умерена облачност. Попладне и во вечерните часови облачноста ќе се зголеми, а во западните делови ќе има повремен локален дожд. Ќе дува умерен, а наместа долж Повардарието повремено засилен ветер од југоисточен правец. Минималната температура ќе биде во интервал од 1 до 10, а максималната ќе достигне од 22 до 27 степени.
Во Скопје сончево со умерена облачност, која кон крајот на денот ќе се зголеми. Ќе дува умерен, а во делови од котлината повремено засилен ветер од југоисточен правец. Минималната температура ќе се спушти до 5, а максималната ќе достигне до 27 степени.
Под влијание на циклонска активност во петок и во деновите од викендот времето ќе биде променливо облачно со повремени врнежи од дожд. Наместа врнежите ќе бидат пообилни, локално во форма на невреме, проследени со грмежи и засилен ветер.
Потоа во следните два дена ќе настапи стабилизирање на времето.