Македонија
ЕК во вторник за укинување на визите за Македонија
Европската комисија во вторник ќе предложи укинување на визите за граѓаните на Македонија, Србија и Црна Гора од први јануари 2010 година
Европската комисија во вторник ќе предложи укинување на визите за граѓаните на Македонија, Србија и Црна Гора од први јануари 2010 година.
Предлозите на Европската комисија утре во Стразбур треба да ги презентира европскиот комесар за проширување Оли Рен.
Државите членки на ЕУ одлуката за укинување на визите за земјите од Западен Балкан, ќе ја усвојуваат со квалификувано мнозинство, а за тоа, според Европската комисија ќе одлучуваат министрите за внатрешни, а не за надворешни работи на унијата.
Како што најави во четвртокот, Европскиот комесар за правда, слобода и безбедност Жак Баро во Брисел први три држави ќе бидат Македонија, Србија и Црна Гора, кои постигнаа значителен напредок. Босна и Херцеговина и Албанија, според Баро, треба да почекаат една година.
Тој изрази надеж дека ЕК ќе добие поддршка од земјите членки, додавајќи дека некои од нив сигурно ќе имаат задршки.
„Задршките на Холандија, во врска со Србија секако остануваат значителен проблем, но околу масата се собираат многу моќни заговорници, така што, сметам дека ќе победиме“, рече Баро.
Според европски извори, еден од значајните проблеми што треба да се реши е Косово, кое како самостојна држава не е признато од сите членки на ЕУ. На косовските Срби ќе им требаат визи за влез во ЕУ, но молби за пасоши можат да даваат и во Белград, каде ќе добиваат српски патни исправи. Истиот проблем се јавува и со босанските Срби.
Европската комисија предлогот за укинување на визите ќе го достави до Европскиот парламент, кој за него треба да се изјасни во рок од три месеци, како и во Советот на ЕУ, а се очекува министрите за правда и за внатрешни работи на ЕУ да гласаат за укинување на визите за Македонија, Србија и Црна Гора на состанокот закажан за 30 ноември во Брисел.Европските комесари Баро и Рен, како што е најавено, во среда во Брисел ќе ја соопштат одлуката на Европската комисија на Советот на ЕУ да му предложи префрлување на граѓаните на Македонија, Србија и Црна Гора на „белата шенген листа“ од први јануари идната година. /крај/ста/фонет/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски.
„Од утре продолжуваме со средби со граѓаните и тргнуваме од нула. Имаше 7 кандидати и тоа е причината што се поделија гласовите. Мојата задача ќе биде како и изминатите 20 дена, да го промовирам концептот во кој верувам. Ги охрабрувам граѓаните да излезат во втoриот круг“, кажа Пендаровски.
Додаде дека во вториот круг очекува повеќе граѓани да го прифатат концептот во кој длабоко верува.
„Очекувам уште поголем одзив. Нема да барам договор со другите кандиати за механичко префрлување на гласовите. Никогаш не сум го правел тоа, ниту сега планирам, за да механички преземам од било кого. Едноставно на сите граѓани ќе им го презентирам мојот концепт. Ќе одбијам било каков обид за нудење на квантум на гласови – тоа би било големо понижување на граѓаните“, кажа тој.
Анализите, како што рече, ќе покажат „дали граѓаните го казнија него поради СДСМ“.
Потенцира дека нема да има пауза, ниту одмор за него до вториот круг од изборите.
„Од утре се гледаме на терен“, порача Пендаровски.
Македонија
Силјановска за убедливото водство: На пати се срамам, зарем е можно толку многу луѓе вака да реагираат
Претседателскиот кандидат Гордана Силјановска Давкова по завршување на првиот круг гласање од изборот за претседател на државата рече дека денешниот резултат е неверојатно инспиративен за нејзе и дека нема зборови со кои може да ја искаже благодарноста.
„Горда сум на мнозина, најпрво на граѓаните, не само на оние кои гласаа за мене, туку и на останатите. Особено сум горда на членовите на ВМРО-ДПМНЕ, заради поддршката, горда сум на мојот тим, ме подреа, ме критикуваа, горда сум на учесниците во изборната трка. Мислам дека сите знаеме дека изборниот процес е најстравствениот политички процес, но сепак во дебатата, во изјавите не го пречекоривме лимитот на пристојноста. Горда сум на коалиционите партнери на ВМРО-ДПМНЕ, зошто каде и да бев јас, таму беа и тие, со поддршка. Се создаде една невидена синергија. Посебно сум горда на жените во Македонија, без оглед на било каква припадност мислам дека е време за идентификација на жена со жена. Жените беа мојата инспирација, мислам дека сум и јас нив. Нема да се однесуваме ние како мажите низ историјата, ќе покажеме дека имаме во себе знаење, ум, креација и вредно е ова општество да го искористи сето тоа“, рече кандидатот за претседател на Македонија, Гордана Силјановска Давкова.
„Овој резултат е неверојатно инспиративен за мене. Немам зборови со кои можам да ја изразам благодарноста, на пати се срамам, зарем е можно толку многу луѓе вака да реагираат. Не мислам дека сум посебна. Само знам дека она што ќе го ветам ќе го остварам на мој начин, од првиот ден. Ова е крајот на првиот круг, доаѓа вториот. Јас ќе се однесувам со должна почит кон оној со кој што се натпреварувам, треба да ги инспирираме граѓаните да ги увериме дека вреди да се учествува на изборите. Без граѓани нема Македонија. Јас не ги делам граѓаните, јас знам дека претседател на држава мора да биде надпартиска личност, да слуша, да докажува, да инспирира, да го исполнува она што го ветила. Знаењето е вистинската моќ.
Постојано повикував на владеење на правото, но уште повеќе на единство во оваа држава. Запомнете, јас ќе соработувам со партијата што ме предложи, со премиерот, со министрите, но ќе соработувам и со опозицијата, со невладиниот сектор, со медиумите. Ве уверувам дека ќе се обидам дека секој ден и секому да покажам и докажам дека сум таму заради Македонија. Сакам да бидат на мене горди, бидејќи јас ќе го докажувам тоа. Македонија не може да биде само моја, туку на сите вас“, изјави Силјановска Давкова на прес-конференцијата вечерва.
Македонија
Стоилковски: Разликата е над 150 илјади, обработени се 75 отсто од гласовите
Портпаролот на ВМРО-ДПМНЕ, Наум Стоилковски изјави дека разликата е над 150 илјади во корист на кандидатот за претседател Гордана Силјановска Давкова, по обработени над 75 отсто од гласовите.
Тој најави дека во 22 часот ќе има обраќање Силјановска Давкова, а во 22 и 30 ќе се обрати и претседателот на ВМРО-ДПМНЕ, Христијан Мицкоски.