Нов ребаланс на државниот буџет за 2009 година треба да се очекува, но неговата потреба не е толку итна

Нов ребаланс на државниот буџет за 2009 година треба да се очекува, но неговата потреба не е толку итна.

Ова денеска го изјави министерот за финансии Зоран Ставрески во интервју за Радио Слободна Европа што ќе се емитува в недела, пренесува Макфакс.

„Веројатно првичните анализи што ги направивме покажуваат дека ќе има потреба од ребаланс во третиот квартал од годинава, но таа потреба не е од ургентен карактер“, изјави Ставрески.

Тој потврди дека даночните приливи се намалени за 12 проценти, но посочи дека според првичните резултати во јули приходите постепено се стабилизираат.

„Треба да почекаме да видиме дали е тоа тенденција и дали ќе продолжи а потоа ќе ја известиме владата за тоа кога е попотребно да се направи ребалансот и со која големина“ рече Ставрески.

Неговиот претходник, Трајко Славески пред напуштањето на функцијата министер за финансии апелираше од итна потреба на кратење на буџетот за 100 милиони евра.

Според Ставрески, износот на ребалансот ќе зависи и од тоа колкави ќе бидат приходите во јули и август, односно до моментот кога ребалансот се предложи на владата

„Моите проценки се дека нема потреба од толку високо кратење на расходите, но се зависи од анализите што треба да се направат на расходите и приходите“, Ставрески во интервју за Радио Слободна Европа. /крај/со/ап/