Македонија
Македонската партија позитивно за иборите во Албанија

Македонска партија во Албанија неделава ги оцени годинашниве јунски парламентарните избори во Албанија како фер и демократски
Македонска партија во Албанија неделава ги оцени годинашниве јунски парламентарните избори во Албанија како фер и демократски, изразувајќи жалење што не освои барем еден пратенички мандат.
Од седницата на Централниот комитет во Тирана, партијата упати критика до изборните органи заради бавното пребројување на гласовите и воочената кражба на освоени гласови, дури и во изборни единици каде што беа нејзините кандидати на гласачките ливчиња, соопшти Светскиот македонски конгрес (СМК).
Поделбата на гласовите на Македонците, пред се во областа Мала Преспа меѓу Демократската, Социјалистичката и Македонската партија, го оневозможија потребниот цензус за барем еден пратенички мандат од изборната единица Корча, се наведува во соопштението.
Гласовите на Македонците во областа Мала Преспа не значат ништо за Демократската и Социјалистичката партија, но чинат еден пратеник Македонец во Парламентот на Албанија и на тоа мора да се работи.
Македонска партија и натаму ќе бара гранатирани етнички квоти и етнички зони за малцинските заедници во Парламентот на Албанија и ќе се залага за унапредување на положбата и правата на Македонците во цела Албанија. По изборот на Владата, Македонска партија очекува определени позиции во извршната власт врз основа на Договорот за коалиција со Демократската партија, наведува СМК/крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Шукова: Време е за резултати, уреден Бутел, нови паркови, подобар превоз и вода за сите

Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека Скопје мора да се гради со дела, а не со празни зборови.
„Вечерва не сум тука само како кандидатка за градоначалничка на Скопје. Тука сум, пред сè, како човек што верува во овој град и во луѓето што го прават Бутел дом,“ изјави Шукова.
Таа се осврна на реалните проблеми со кои се соочува општината запуштеното корито на Серава, недоволната инфраструктура, недостигот на јавен превоз и дотраената водоводна мрежа и истакна дека решенијата веќе се подготвени.
„Серава ќе стане место на кое ќе се гордееме уредено корито, пешачки и велосипедски патеки, зелена зона за сите. Новите паркови и 10.000 засадени дрвја ќе го вратат сјајот што Скопје го имаше пред децении,“ нагласи таа.
Посебен акцент стави и на водоснабдувањето и инфраструктурата:
„Денес, 60 проценти од питката вода се губи во системот. Време е за модернизација и стабилно снабдување со вода за секој дом. Новите мостови, клучки и булевари ќе го поврзат Бутел со целиот град и ќе овозможат безбедно и побрзо движење,“ рече Шукова.
Таа потсети дека во изминатите години градот беше заложник на неработење и популизам:
„Четири години ВМРО-ДПМНЕ ги запоставуваше општините. Време е за резултати, а не за слики и празни зборови. Половина од нашите проекти може веднаш да се реализираат,“ додаде таа.
Во својот говор, Шукова повика на единство и одговорност:
„Бутел не смее да биде изолиран. Бутел е почетна точка на модерното Скопје место каде што се инвестира, се гради и се слуша секој граѓанин.“
Македонија
Претежно облачно со врнежи од дожд, повремено пообилни

Времето денеска ќе биде претежно облачно со повремени врнежи од дожд кои ќе бидат пообилни во западните делови, каде се очекува локално да наврнат и над 25 l/m²дожд. Ќе дува слаб до умерен ветер од југоисточен правец.
Минималната температура ќе биде во интервал од 7 до 12, а максималната ќе достигне од 11 до 15 степени.
Во Скопје, претежно облачно со повремени врнежи од дожд, повремено пообилни. Ќе дува слаб до умерен ветер од југоисточен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Во сабота времето ќе биде променливо облачно со повремени локални врнежи од дожд со послаб интензитет. Потоа следува претежно стабилно време со потпросечни температури за овој период од годината.