Македонија
СПЦ ќе дозволи прослава во „Прохор Пчински“

Српската православна црква ќе овозможи македонска државна делегација да го посети манастирот „Свети Прохор Пчињски, каде пред 65 години беа поставени
Српската православна црква ќе овозможи македонска државна делегација да го посети манастирот „Свети Прохор Пчињски, каде пред 65 години беа поставени основите на македонската државност.
Во соопштението објавено на интернет страницата, СПЦ најави дека црковна делегација ќе ја пречека делегацијата на македонското Собрание на државниот празник Илинден „искрено, срдечно, братски и без задни намери“.
Македонска државна или црковна делегација немаше дозвола од СПЦ да го посети манастирот Прохор Пчињски речиси 20 години.
Министерството за надворешни работи на Македонија, како што јави радиото Би-Би-Си, не побарало од СПЦ да го посети манастирот, но не се исклучува можноста државна делегација да го посети Прохор Пчињски.
Претседателот на Собранието Трајко Вељановски ќе присуствува на прославата на споменикот на АСНОМ кај Пелинце, но потоа ќе го посети и „Прохор Пчињски”, кој се наоѓа веднаш од другата страна на македонско-српската граница./крај/ббц/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Кисела Вода

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа, денеска, без електрична енергија ќе останат:
· од 09:00 до 12:00 часот, корисниците од дел од улца ХО ШИ МИН, во населба Бутел, општина Бутел;
· од 09:00 до 14:00 часот, корисниците од ул. Студеничанска, општина Кисела Вода.
Македонија
Дел од Карпош и Центар денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска:
· Поради дефект на приклучна водоводна цевка Ф-1“ и дефект на затварач од Ф-100мм на ул.Будимпештанска бр.25,прекинато водоснабдување ќе имаат корисниците од следните улици:Будимпештанска, Осло Љубица Георгиева, Бањалучка, Хашка и дел од Женевска.
Водоснабдувањето ќе биде прекинато од 09:00 часот до завршување на дефектот.(општина Карпош)
· Поради изведување на водоводен приклучок Ф 80“ на улица Пиринска бр.31, прекинато водоснабдување ќе имаат корисниците од ул.Пиринска и дел од ул.Ленинова од 09:00 часот до завршување.(општина Центар)
Македонија
Утрото ведро и посвежо, попладне до 30 степени

Утрото ведро и посвежо, преку денот сончево. Ќе дува слаб до умерен, наместа долж Повардарието повремено засилен северен ветер.
Минималната температура ќе биде во интервал од 4 до 15, а максималната ќе достигне од 23 до 30 степени.
Во Скопје, сончево, со слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 30 степенiи.
Времето во наредните денови
Продолжува периодот на претежно сончево време со посвежи утра и постепен пораст на дневната температура.