Македонија
„Крпен живот“ на Музејот на вода во Градиште

Претставата „Крпен живот“ на Прилепскиот театар, вечерва ќе биде изведена во реконструираната праисториска населба на водите на Охридско Езеро
Претставата „Крпен живот“ на Прилепскиот театар, вечерва премиерно ќе биде изведена во реконструираната праисториска населба на водите на Охридско Езеро, позната како Музеј на вода.
Претставата, што е во режија на Владо Цветановски, се одржува во рамки на фестивалот „Охридско лето“.
Во неа ќе учествуваат повеќе актери, меѓу кои Кирил Ристоски, Димитар Ѓорѓиевски, Даниела Стојковска и други. /крај/вр/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Средба Димитров – Шаленберг

Заменик-претседателот на Владата задолжен за европски прашања, Никола Димитров, ја заокружи еднодневната работна посета на Австрија со средба со федералниот министер за надворешни работи, Александар Шаленберг.
Димитров нагласи дека прашањето за почнување на преговорите на земјата за полноправно членство во ЕУ има силни геополитички импликации за Унијата како проект за европско обединување и укажа на загриженоста за негативното влијание на секое понатамошно одолжување на пристапните преговори врз кредибилитетот на ЕУ во регионот, а со тоа и на улогата на Унијата како глобален актер.
„Ова е клучен момент за постигнување чекор напред во евроинтегративниот процес на Северна Македонија со ЕУ, што би значело и преточување на интересот на Австрија како непосреден сосед на регионот на Западен Балкан во конкретен резултат базиран на објективно вреднување на копенхашките критериуми“, рече Димитров.
Министерот Шаленберг ја поздрави посветеноста на земјата во спроведување на реформите што значат вистинско приближување кон европските стандарди и нагласи дека поддршката и интересот на Виена за заеднички успех е сосема јасна.
Соговорниците разменија мислења за продлабочување на билатералната соработка, која се одвива во рамките на континуирана техничка помош, но и преку економската и инвестициската рамка, како и хуманитарната помош во контекст на ковид-кризата. Димитров се заблагодари за солидаризирањето на Австрија со регионот уште од самиот почеток на здравствената криза, информираат од неговиот кабинет.
„Во овие тешки времиња што ги предизвика пандемијата, пријателската помош е повеќе од добредојдена и во тој контекст би сакал да упатам благодарност за континуираната политичка и економска поддршка, но и значајната помош за секторот здравство од Австрија“, истакна Димитров на средбата.
Македонија
Мицкоски: Илјадници луѓе се заведени во Избирачкиот список со два матични броја

Лидерот на опозицијата Христијан Мицкоски на денешниот брифинг со новинарите обелодени нов скандал со назив „Мафија 2“ кој се однесува на злоупотреба на институциите при што едно исто лице е заведено со по два матични броеви.
Според неговата информација, добиена од свиркачи, во Македонија има најмалку 20.000 лица што имаат по два ЕМБГ.
Тој го повика министерот за внатрешни Оливер Спасовски и надлежните институции да одговорат како и кога се издадени овие двојни матични броеви, кои, според него, се користеле за разни злоупотреби пред се за гласање на избори, затоа што овие лица постојат во избирачкиот список.
„Покрај аферата „Мафија“, каде структури на власта издавале документи за идентификација на криминални структури, на познати балкански босови, во оваа афера може да се види дека едни исти лица имаат два матични броја. Како што може да се забележи едно исто лице со двоен матичен број го има по два пати во Избирачкиот список. Според проверките во избирачкиот список истото лице е регистрирано на неговото вистинско име, вистинска адреса, а вториот пат е регистрирано на друго лице во друга Општина, при што првичните броеви се исти, а последните три се различни. Конкретно при проверката на терен за лицето Џадин Адемовски кој на една адреса се води во Чаир, а на другата во Сарај, кога го побаравме Џадин на првата адреса, таму ни кажаа дека овој човек не живее тука, дека не постои такво лице. Ова е класична злоупотреба на институциите и тежок криминал, за кој треба да се сноси одговорност“, рече Мицкоски.
Тој јавно праша како може да постои вакво нешто, кога во 2016-та година на барање на тогашната опозиција беше прочистен избирачкиот список, а министер беше Оливер Спасовски.
Дополнително, на новинарско прашање зошто од ВМРО-ДПМНЕ кое учестуваше во акцијата за прочистување на избирчкиот список, не реагирало тогаш Мицкоски рече: „Или во 2016-та година не бил прочистен избирачкиот список како што треба или што е полошо и остава сомнеж овие матични броеви се впишувани во последните 4 до 5 години заради криминални дејства во кои власта директно учествувала. Трето објаснување нема. Затоа наместо Спасовски да се занимава од каде ми се овие информации нека се заземе да го истражи случајот и да излезе со конкретни одговори. И да не се правда пред јавноста дека оваа било проблем од 86-та година, затоа што списокот се прочистуваше, а тој цело време е министер, тогаш се наметнува прашањето колку вакви избирачки списоци потпишал? Освен тоа симптоматично и како 100.000 обрасци му недостасуваат на директорот на Упрвата за водење на матичните книги. Остава отворен сомнеж дека оваа операција се случувала во последните 4 години, при што само последните три бројки се менувани, а некој најверојатно тоа го правел намерно и со конкретна цел“, објасни Мицкоски.
Мицкоски додаде дека издавањето дипликат матични броеви е поврзано со скандалот „Мафија“, со цел да им се помогне на криминални босови како Седат Пекер и водачот на шкаљарскиот клан Јовица Вукотиќ кои поседувале фалсификувани патни исправи издадени во Македонија.
Македонија
Николоски на конференција со ЕУ-пратеници: Бугарија да го тргне ветото и да престане со условувањата

Потпретседателот на ВМРО-ДПМНЕ Александар Николоски во својство на претседател на Националниот совет за евроинтеграции учествуваше на онлајн конференција во организација на германската Фондација „Конрад Аденауер“ во соработка со Инстутот за демократија. На конференцијата се дискутираше за улогата и учеството на законодавните домови во процесот на приклучување кон Европската Унија со посебен осврт на Собранието како институција која има клучно учество во овој процес.
Покрај Николоски говорници на овој настан беа европратениците Марион Вилсман од Германија и Владмир Билчик од Словачка, заменик претседателот на Собранието, Горан Мисовски, како и директорот на Конрад Аденауер во Македонија Даниел Браун.
Овој настан има за цел да поттикне дискусија за улогата на Собранието во процесот на приклучување кон Европската Унија и важноста на законодавниот дом во насока на придвижување на европскиот пат на Македонија. На конференцијата заеднички беше нотирано значењето на Собранието во поглед на евроинтеграциите како и односот на Собранието со Европскиот Парламент, но и клучната потреба за дијалог помеѓу институциите и сите политички чинители во земјава.
Со овој настан се продолжува успешната соработка со Германската фондација Конрад Аденауер, која е фондација на владејачката ЦДУ од Германија.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш