Македонија
Продожува нагорниот тренд на МБИ10

Индексот МБИ-10 денеска трт ден последователно забележа пораст и ја зголеми вредноста за 0,94% и се позиционираше на вредност од 2.519,91 индексни
Индексот МБИ-10 денеска трт ден последователно забележа пораст и ја зголеми вредноста за 0,94% и се позиционираше на вредност од 2.519,91 индексни поени.
Вкупниот прометот на македонската берза за хартии од вредност на денешното тргување изнесуваше 7.288.709,30 денари, а беше реализиран преку 77 трансакции.
Прометот на официјалниот пазар изнесуваше 2.941787,30 денари, додека на редовниот пазар прометот беше 4.346.922,00 денари.
МБИД оствари незначително зголемување од 0,06% а вредноста му изнесуваше 2.309,10 индексни поени. ОМБ порасна за 0,13%, остварувајќи вредност од 102,64 индексни поени.
Од хариите од вредност кои котираат на официјалниот пазар најливидна беше Комерцијална Банка Скопје со промет од 506.550,00 денари при истргувани 199 акции. Постигната беше просечна цена од 2.545,48 денари со дневен пораст кој изнесуваше 2,96%.
Со акцијата на Гранит Скопје се оствари промет од 469.500,00 денари, а беа истргувани 770 акции. Просечната цена изнесуваше 609,74 денари, додека нејзиниот пораст беше 1,62%.
Реплек Скопје оствари промет од 431.900,00 денари при 9 истргувани акции. Просечната цена од 47.988,89 денари значеше пораст од 1,22%.
Од редовниот пазар најтргувана беше акцијата на Осигурителна полиса Скопје со остварен промет од 2.212.155,00 денари при истргувана количина од 3.597 акции, реализирани преку една трансакција. Просечната цена од 615,00 денари оствари намалување на дневна основа од 18,00%.
Со акцијата на Македонски Телеком како втора по обем на тргување од редовниот пазар се оствари промет од 874.729,00 денари при истргувани 2.282 акции. Се оствари просечна цена од 383,12 денари која значеше пораст од 0,62%.
Гранит Скопје објави неревидиран неконсолидиран биланс за успех за период од 01.01 – 30.06.2009 година. Нето добивката за периодот изнесува 158.567.000,00 денари што претставува намалување од 12% во однос на истиот период од претходната година.
Пет најтргувани хартии од вредност
1. Осигурителна полиса Скопје
2. Македонски Телеком Скопје
3. ЗУМ Скопје
4. Комерцијална Банка Скопје
5. Гранит Скопје
Хартии од вредност со најголем пораст
1. Комерцијална Банка Скопје 2,96%
2. Гранит Скопје 1,62%
3. Топлификација Скопје 1,33%
4. Реплек Скопје 1,22%
5. Р.Македонија – Денационализација 03 1,19%
Хартии од вредност со најголем пад
1. ЗУМ Скопје 33,35%
2. Осигурителна полиса Скопје 18,00%
3. Тетекс Тетово 17,12%
4. Жито Лукс Скопје 8,70%
5. Раде Кончар Скопје 8,00%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени

Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и сексуална злоупотреба, обвинија од ВМРО-ДПМНЕ.
„Во јавноста излегоа снимки кои ја откриваат одвратна вистина за градоначалнкот на Кичево, Фатмир Дехари. Дехари малтертирал и сексуално понижувал жени на работно место. Фатмир Дехари ја злоупотребил својата позиција и ова не смее да биде премолчено и неказнето. Ова е срам, навреда и понижување на секоја жена во државата без разлика на етничката припадност. И наместо оставка од Дехари и извинување, ДУИ се обидува да го прекрие скандалот нарекувајќи ги снимките како ”фабрикувани материјали” и ”шпекулативни и монтирани снимки” во обид да ја замајува јавноста“, велат од партијата.
Од ВМРО-ДПМНЕ велат дека во снимките се слуша како вработените жени се принудени да го бакнуваат дури и да му седнуваат во скут на Дехари.
„Ова недолично и некултурно однесување на Дехари не заслужува никакво оправдување. Дали ова е нивото на кое падна ДУИ, да бранат и поддржуваат функционери кои сексуално малтертираат жени? Дали ова е нивото, дали почитта кон жената е празно слово во ДУИ? Што им порачуваат на жените и семејствата со ваквото однесување?“, прашува ВМРО-ДПМНЕ.
Партијата бара Дехари веднаш да поднесе оставка и да се повлече од јавниот живот.
„ДУИ и жените од ДУИ да го осудат ваквото однесување. Сите институции, политички партии и здруженија за заштита на жените да реагираат јасно и безкомпромисно“, бараат од ВМРО-ДПМНЕ.
Македонија
Осумнаесет години без Тоше – ја обедини Македонија со својот глас и своето големо срце

На денешен ден, 16 октомври во 2007 година, Тоше Проески го загуби животот на 26-годишна возраст, во сообраќајна несреќа на автопатот во Хрватска. Целиот Балкан плачеше и се прости од овој уметник, а денеска се навршуваат 18 години од неговата смрт која го потресе целиот регион.
Автомобилот во кој се наоѓаше македонскиот пејач се судри со камион во утринските часови во близина на хрватскиот град Нова Градишка. Тоше Проески во моментот на несреќата седел на совозачкото седиште и спиел.
Колку беше обожаван и сакан од народот, покажува и информацијата дека македонското Собрание тој ден ја прекина седницата за да му оддаде почит на починатиот пејач со едноминутно молчење. Во Македонија тогаш 17 октомври беше прогласен за Ден на жалост.
Тоше беше сакан од целиот регион, неговиот глас допре до секое срце. Би-би-си Њуз го нарече „балканскиот Елвис Присли“. Тој беше познат и по својата хуманитарна работа, неговиот ангелски лик и глас го направија личност чија љубов кон другите немаше граници.
Во негова чест, денеска од 12 до 15 часот на детската улица „Тоше Проески“ во Ново Лисиче ќе се одржи настан под слоганот „Тоше те сакаме“.
Овој настан претставува искрена почит и сеќавање на човекот кој остави траен белег во македонската музика и култура. Целта е да се испрати порака дека Тоше сè уште живее во нашите срца, а неговата музика и хуманост остануваат безвременски симбол на добрината, љубовта и единството.
Публиката ќе ужива во настапите на децата од градинките, училишните хорови од основните училишта, како и на македонските музички ѕвезди: Огнен Здравковски, Мартинијан Кириловски, Наде Талевска, Марија Спасовска, Драган Темелков, Лили Акустик, Ивона Јо, Тамара Волческа, Владимир Поповски и Васил Ангелов, кои ќе ги изведат безвременските хитови на Тоше Проески. Покрај музиката, ќе има изложба на дела од основците, активност за пишување на хумани пораки на картони со Бомбакис, цртање на мега-слика со РВР бренд.
Со песна, љубов и сеќавање, сите заедно ќе му оддадеме чест на човекот кој ја обедини Македонија со својот глас, својот дух и своето големо срце.
Тодор Проески – Тоше е роден на 25 јануари 1981 и својот музички талент го покажал уште како петтоодделенец на фестивалот „Златно славејче“ (1992), каде што испеал песна на влашки јазик. Музичката кариера ја почна со победата на „Мелфест“ во Прилеп во 1997 година и оттогаш настапуваше на сите значајни фестивали во земјата и регионот, а во 2004 ја претставуваше Република Македонија на Евровизија во Истанбул. Таа година стана и амбасадор на УНИЦЕФ.
Објави седум албуми – неколку и во превод на српски/хрватски јазик. Последниот „Игри без граници“ беше промовиран две недели пред несреќата.
Македонија
Без струја денеска делови од Центар, Гази Баба, Бутел и Ѓорче Петров

Од ЕВН Македонија АД известуваат дека денеска без електрична енергија ќе останат:
– во периодот од 08.00 до 13.00 часот, корисниците од ул. Питу Гули од бр. 4 до бр. 20. (општина Центар)
– во периодот од 08.00 до 14.00 часот, корисниците од село Стајковци. (општина Гази Баба)
– во периодот од 09.00 до 11.00 часот, дел од корисниците од ул. Рокомија. (општина Бутел)
– во периодот од 09.00 до 13.00 часот, дел од корисниците од улиците Ибе Паликуќа и Воин Драшковиќ. (општина Ѓорче Петров)