Енциклопедијата не смее да влијае на позитивните меѓуетнички односи во Македонија и не смее да се дозволи да влијае врз перспективите на

Енциклопедијата не смее да влијае на позитивните меѓуетнички односи во Македонија и не смее да се дозволи да влијае врз перспективите на државата во контекст на евро-атлантските аспирации. Ова било нагласено на денешната средба во Скопје меѓу премиерот Никола Груевски и претседателот на Демократската унија за интеграција (ДУИ) Али Ахмети. На средбата, како што е соопштено, коалиционите партнери во Владата дискутираа за актуелните случувања поврзани со контроверзите околу енциклопедијата, која беше објавена од страна на МАНУ Груевски и Ахмети разменија мислења и информации за енциклопедијата, која доживеа сериозни реакции, како од граѓаните, од Албанците и од Македонците, од претставниците на меѓународната заедница, од повеќе научни кругови, и од соседните земји. Владините партнери , како што се наведува, нема да дозволат ниту еден поединец, политичар, граѓанин да искористи вакви моменти и да го наруши меѓуетничкиот соживот во државата и заеднички ќе вложат напор за надминување на состојбите. Во однос на енциклопедијата на МАНУ и реакциите на споменатите субјекти, се констатира дека проблемите мора да се надминат преку дијалог, разговори, меѓусебно почитување и уважување и вложување заеднички напори, со цел да се отстранат сите контроверзи и сомнежи. И двајцата на средбата изразија жалење за навредите и спорните делови од енциклопедијата изработена од страна на МАНУ и препорачаа МАНУ да најде начин да ги надмине овие проблеми и да ги реши отворените прашања. Владата работи интензивно на своите долгорочни перспективи и цели и нема да дозволи било какво попречување на овој пат, и посветено ќе ги штити државните и националните интереси, се наведува во владиното соопштение./крај/со/мп