Македонија
Разрешен Блаже Ристoвски и тимот за Енциклопедијата
Разрешени се главниот редактор на Првата Македонска Енциклопедија, академик Блаже Ристoвски и целиот негов тим.
Разрешени се главниот редактор на Првата Македонска Енциклопедија, академик Блаже Ристoвски и целиот негов тим.
Оваа одлука ја донесе Претседателството на Македонската Академија на Науките и Уметностите (МАНУ) на седницата одржана денеска.
МАНУ информираше дека новиот тим што ќе ги изврши корекциите во одредниците на Енциклопедијата, кои што се неприфатливи од научен и поширок општествен аспект, ќе се формира најдоцна за еден месец, јави А1.
Ристовски и неговите соработници од Главната редакција се задолжени и да ги депонираат во Архивот на МАНУ сите материјали за проектот Македонската енциклопедија.
„Во пишувањето на новите текстови треба да бидат вклучени компетентни автори, стручни за предметот на секоја од одредниците, вклучително и истакнати научни работници од немнозинските етнички заедници на Република Македонија“, стои во заклучоците на Претседателството, пренесува телевизијата.
Одредени одредници во Енциклопедијата, која што беше објавена пред неколку седмици, кренаа голема прашина во јавноста. Најжестоко реагираа претставниците на политичките партии и на невладините организации на Албанците во Македонија, кој побараа Енциклопедијата целосно да биде повлечена./крај/а1/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.