Продолжуваат партиските преписки за тоа кој, каков договор склучил со „Пуцко Петрол“, чијшто сопственик, Асмир Јахоски, е осомничен во случајот со спорниот тендер за набавката на мазут за ТЕЦ Неготино и определен му е куќен притвор.

СДСМ возврати на обвинувањата на ВМРО-ДПМНЕ, коментирајќи дека институции и општини раководени од владејачката партија имаат склучено над 170 договори за тендери со истата комапнија.

„Министерството за образование и наука, потпишан од Весна Јаневска од ДПМНЕ, склучен на 31.12.2024 година со Пуцко Петрол тежок 2.500.000 денари или 40.000 илјади евра. Не навлегуваме во внатрешните игри на ДПМНЕ, но еве нека види Бојан Стојановски за колку го има појачано профитот на Пуцко Петрол Весна Јаневска и нека одговори: Колку пари на граѓаните завршија кај Пуцко Петров благодарение на ДПМНЕ и нивните градоначалници, министри, директори на институции?“, велат од СДСМ.

Пртходно, пратеникот од ВМРО-ДПМНЕ, Бојан Стојаноски, рече дека благодарение на СДСМ и ДУИ, „Пуцко петрол“ успевал за една година да го зголеми приходот 40 проценти. Тој рече дека „Пуцко петрол“ со години наназад набавува различни производи како мазут, нафта, за многу градинки, училишта, болници, како и за различни државни институции. Најголемиот скок на имотот на Пуцко петрол е во период на владеење на Зоран Заев, додаде Стојановски.

„Пред неколку дена објавивме дека е отворен конкурс за вработување на 300 војници во Армијата на Република Северна Македонија. Право на пријавување имаат сите заинтересирани лица на возраст од 18-25 години“, велат од ВЛЕН.

„Но, во рамките на оваа објава со гордост ве известуваме дека уште еден критериум и елемент што ќе се земе предвид е правичната и соодветна застапеност. И ова прашање е решено и официјално се појавува во точката седум на конкурсот, кој се уште е активен.
Кога го отстранивме навредливиот механизам за балансирање, ветивме дека Албанците ќе бидат соодветно застапени во сите институции во земјата. Ова е почеток, продолжението ќе биде слично. Ќе има и правична и соодветна застапеност во секој конкурс. Ова прашање ќе продолжи се додека не се уреди со Законот за правична и соодветна застапеност“, посочуваат од ВЛЕН и додаваат:

„Се обврзавме дека Албанците ќе се вработуваат повеќе и подобро, секаде, без разлика. Но, разликата во вработувањето на нашата Влада е во тоа што обезбедуваме правична и соодветна застапеност, но нужно имаме и механизам за филтрирање, меритократијата ќе биде клучниот збор при нашите вработувања. Вистинската личност на вистинското место. Албанците се способни, знаат и можат многу добро да водат. Можеме да вработиме повеќе Албанци и подобро.. Правична и соодветна застапеност, достојна само преку меритократија“.

​Градоначалникот на општина Кисела Вода Орце Ѓорѓиевски, информираше дека на денешната седница на совет се донела одлука за финансиска помош за жртвите од семејно и родово базирано насилство. Како што истакна, наскоро ќе биде распишан Јавен повик на кој жртвите ќе можат да се пријават, а се гарантира и целосна дискреција на истите.

-Општина Кисела Вода, ќе доделува финансиска помош на жртвите на семејно и родово базирано насилство. Борбата за спречување на секој вид на насилство е дел од нашата стратегија која во континуитет на спроведуваме. Оваа нова мерка, за која наскоро ќе биде распишан и Јавен повик, ќе гарантира целосна дискреција на жртвите кои ќе се пријават, а ќе приложат потврда дека се регистрирани како жртви на семејно насилство. Насилството е за секоја осуда, никој на овој свет не смее да биде жртва. Ова не е прва мерка која ја воведуваме во насока на надминување на ваквите или слично проблеми“, посочи тој и додаде:

„Претходно, во населбата Црниче, заедно со граѓанската организација ,,Крик” отворивме канцеларија за психолошко советување на жртвите од булинг, семејно или било каков тип на насилство. Кисела Вода не само што е потписник на Истанбулската Конвенција на Советот на Европа за спречување и борба против насилство врз жените и семејното насилство, туку и во пракса интензивно работи на имплементација на сите нејзини постулати. Заедно сме посилни. Заедно можеме да направиме промени! – рече Ѓорѓиевски.