Македонија
Буџетот за 2010 година со дефицит од 2,5 насто БДП

Владата го утврди предлог буџетот за 2010 година, кој предвидува расходи од 153 милијарди 720 милиони денари (2,49 милијарди евра) и приходи од 143 милијарди 257 милиони денари (2,32 милијарди евра
Владата го утврди предлог буџетот за 2010 година, кој предвидува расходи од 153 милијарди 720 милиони денари (2,49 милијарди евра) и приходи од 143 милијарди 257 милиони денари (2,32 милијарди евра).
Буџетскиот дефицит е планиран на 2,5 насто од планираниот БДП. Со буџетот се предвидува раст на БДП од 2 насто и исто толкава стапка на инфлација.
Буџетот за идната година, како што соопшти министерството за финансии е реален и развоен со намалена јавна потрошувачка и со нејзина подобрена структура.
Ставката капитални расходи е зголемена за 16,2% или 3 милијарди и 122 милиони денари, односно 51 милиони евра повеќе од 2009 година. Ставката на стоки и услуги е намалена дури за 9,8% или за една милијарда и 876 милиони денари.
Намалена е ставката за плати за администрацијата за 2,8% или за 649 милиони денари. Предвидена е и стриктна дисциплина за вработувања во јавниот сектор, а платите на административците се замрзнати и оваа година.
Придонесите се намалени од 28,4% на 27% (и тоа за пензиско од 19 на 18% и за здравствено од 7,5 на 7,3%). Социјалните трансфери се зголемени за 1,8 отсто и е гарантирана редовна и навремена исплата.
Зголемена е и ставката за субвенции на земјоделците и тоа за 10,9 отсто.
Приоритети и највисоки ставки во Предлог-буџетот 2010 се образование и наука за кои се издвоени 13,9% од буџетот (2.258 милиони денари), здравство 12,9% од буџетот (18.983 милиони денари) и за земјоделие 5,2% (7,940 милиони денари). /крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 10 до 15 минути за излез од државата

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила.
Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен.
Поради летните одмори, се бележи зголемена фреквенција на возила, на ГП Табановце времето на чекање за излез е околу 10-15 минути. На останатите гранични премини од македонска страна нема подолги задржувања при влез или излез од државата.
Македонија
Општина Карпош: Го демантираме другарот на Мицкоски, Сотир Лукровски, дека има нерешени 11 000 предмети за легализација, а тој ќе ги решел за две и пол години

„Општина Карпош во целост го демантира другарот на Христијан Мицкоски, Сотир Лукровски, дека во општина Карпош има нерешени 11 000 предмети за легализација и замислете, тој ќе ги решел за две и пол години. Фактите говорат дека општина Карпош од 2011 до 2018 година има примено вкупно 12688 барања и од нив досега се решени 9385, а останати се уште 3303 барања“, велат од општина Карпош.
„Најголем дел од нив се со нерешени имотно-правни и оставински постапки и се чека на завршување на судска постапка, на друг дел е побарана дополнителна документација, и мал дел се во постапка за решавање.
За кандидатура на градоначалник основен услов за кандидатот е да биде добро информиран и да не кажува лаги. Ако кандидатот во кампања кажува лаги, какво ли ќе биде неговото функционирање како Градоначалник!?
Општина Карпош го замолува г-дин Христијан Мицкоски да го едуцира својот кандидат и го замолуваме да не ги вознемирува директорките на градинките и училиштата“, соопшти општина Карпош.
Македонија
ВМРО-ДПМНЕ викендов организира Саем за отчет на градоначалниците

Генералниот секретар на ВМРО-ДПМНЕ, Ѓорѓија Сајкоски, најави дека на 23 и 24 август во хотелот „Холидеј Ин“ во Скопје ќе се одржи Саем – Отчет под мотото „4 години работа за тебе“, на кој градоначалниците од оваа партија ќе го презентираат сработеното во изминатиот мандат.
Настанот ќе почне во сабота во 11 часот со обраќање на претседателот на ВМРО-ДПМНЕ, Христијан Мицкоски. Во текот на двата дена ќе се одржат повеќе панел-дискусии на кои градоначалниците, поделени по региони, ќе ги претстават реализираните проекти.
Секоја општина ќе има и свој штанд на кој граѓаните и новинарите ќе можат директно да се запознаат со постигнувањата на локалната власт.
Во недела програмата ќе продолжи од 10 часот, со панели посветени на темите: „4 години развој и прогрес“, „инфраструктурни инвестиции“, „вклученост на граѓаните во носењето одлуки“ и „меѓународна соработка“.
„Разликата меѓу општините во 2021 и денес е огромна и мерлива. Ветените и реализирани проекти ја покажуваат посветеноста и одговорноста на нашите градоначалници,“ изјави Сајкоски, додавајќи дека со овој отчет ВМРО-ДПМНЕ ја покажува отчетноста и транспарентноста кон граѓаните.