Околу 60 отсто од просечната нето исплатена плата во третото тромесечје во Македонија биле доволни за да се покрие потрошувачката кошничка за храна и пијалаци, соопшти Државниот завод за статистика.

Околу 60 отсто од просечната нето исплатена плата во третото тромесечје во Македонија биле доволни за да се покрие потрошувачката кошничка за храна и пијалаци.

Ова во средата го соопшти Државниот завод за статистика, потсетувајќи дека во 2009 година, со примена на концептот за бруто-плати, настанаа структурни промени во податоците за нето-платите со вклучување на надоместоците за храна и превоз во платите.

Заради ваквите промени, при споредба на податоците за платите од 2009 година со податоците од претходните години, треба да се земе предвид и овој факт.

Просечната нето-плата по работник за јули 2009 година изнесуваше 19 763 денари, а трошоците за исхрана и пијалаци беа пониски од просечната нето-плата за 7 876 денари.

Просечната нето-плата по работник за август 2009 година изнесуваше 19 867 денари. Со вкупните трошоци за исхрана и пијалаци од 11 825 денари за задоволување на останатите потреби остануваа 8 042 денари, односно 40,5 од платата.

Просечната нето-плата по работник за септември 2009 година изнесуваше 20 044 денари. Вкупните трошоци за исхрана и пијалаци изнесуваа 11 728 денари и беа пониски од просечната нето-плата за 9 684 денари, односно 41,5 отсто од платата./крај/со/ап/