Македонија
ИРИ: ВМРО-ДПМНЕ со 30 отсто, СДСМ со 12 отсто поддршка

ВМРО-ДПМНЕ има поддршка од 30 отсто, што е висок рејтинг во однос на тоа дека анкетата била спроведена во време на пикот на економската криза. Втора е опозициската СДСМ со рејтинг од 12 проценти.
ВМРО-ДПМНЕ има поддршка од 30 отсто, што е висок рејтинг во однос на тоа дека анкетата била спроведена во време на пикот на економската криза. Втора е опозициската СДСМ со рејтинг од 12 проценти.
Ова го покажува најновата анкета на Меѓународниот републикански институт (ИРИ) која треба да биде објавена во вторник. Анкетата е спроведена во периодот од 17 до 22 декември на 1.105 испитаници и тоа на терен. Според податоците владејачката партија и СДСМ ги задржуваат своите рејтинзи во последните шест месеци со флуктации од еден до два проценти во одредени месеци.
Анкетата покажала дека партнерот на ВМРО-ДПМНЕ, ДУИ има рејтинг од осум проценти. ДПА на Мендух Тачи е единствената партија која бележи пораст во рејтингот според кој минатиот месец ја поддржале шест отсто од испитаниците. Нова Демократија има поддршка кај три отсто од гласачите, а ЛДП кај еден процент.
Партијата на Љубе Бошковски, Обединети за Македонија и Либералната Партија иако биле дел анкетата, сепак имаат рејтинг нула. Три отсто поддршка добиле останатите помали партии, додека 21 процент од испитаниците биле неопределени. Зачленувањето во ЕУ го поддржуваат 94 проценти, додека пак влезот во НАТО 91 отсто од анкетираните. /крај/форум
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.