Македонија
Македонија оддаде почит на 11-те загинати мировници
Македонија ја одбележа две годишнината од загинувањето на 11-те војници, припадници на мировната мисија „АЛТЕА“ во Босна и Херцеговина, кои загинаа при уривање на воен хеликоптер кај катлановско Блаце при нивното враќање во Скопје.
Македонија ја одбележа две годишнината од загинувањето на 11-те војници, припадници на мировната мисија „АЛТЕА“ во Босна и Херцеговина, кои загинаа при уривање на воен хеликоптер кај катлановско Блаце при нивното враќање во Скопје. Роднини и пријатели на загинатите, делегација на Министерството за одбрана и Армијата на Република Македонија во вторник две-годишнината од несреќата ја одбележаа со положување на свежо цвеќе на споменикот пред Здружената оперативна команда и Воздухопловниот ВИНГ на АРМ во касарната „Страшо Пинџур“ во Петровец и на споменикот на местото каде се урна хеликоптерот во 2008 година. Почит на загинатите оддадоа Министерот за одбрана, Зоран Коњановски, началникот на Генералштабот на АРМ, генерал-потполковник Мирослав Стојановски, претставници на Кабинетот на Претседателот на Република Македонија и на Здружената оперативна команда. „Како Министерство и АРМ ќе направиме се понатаму вистината да излезе на површина, да знаеме зошто се случи оваа несреќа. На семејствата ќе им помогнеме колку што можеме“, изјави министерот Коњановски. Во хеликоптерска несреќа кај Катланово животот го загубија потполковник Тони Спасовски, мајор Горан Ристовски, капетаните Бране Спасовски и Игор Ѓорески, заставниците Славчо Василев и Тони Давитковски, постарите водници Јанко Шириќ, Мики Ивановски, Александар Тасковски и Александар Васиќ и десетарот Златко Вељановски. /крај/ач
Фото: Филип Поповски/Макфакс
Повеќе фотографии
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Комората за приватно обезбедување: во фокусот потребата од професионална надградба
Министерот за внатрешни работи Панче Тошковски, денеска беше во работна посета на Комората за приватно обезбедување, каде меѓу другото истакна дека Министерството за внатрешни работи, како надлежен регулатор на овој аспект во работењето има за цел континуирано да биде во тек со сите потреби, активности и трендови во приватното обезбедување.
„МВР навремено да ги детектира сите можни нови форми на соработка кои се подеднакво во интерес како на приватната така и на јавната безбедност“, потенцираше Тошковски при посетата на Комората на приватно обезбедување.
Акцент беше ставен на потребата од постојаната стручна и професионална надградба како на процесите така и на самиот човечки кадар во дејноста на приватното обезбедување и постојаниот контакт и размена на искуства и стручна соработка.
За време на посетата на Комората на приватно обезбедување беше потенцирано дека соработката меѓу Министерството и Комората е добар пример за меѓуинституционално партнерство со високо ниво на комуникација со конкретни резултати во функционирањето.
Македонија
Град Скопје го објави јавниот повик за финансирање на проекти и активности од интерес на младите
Град Скопје го објави Јавниот повик за распоредување буџетски средства за финансирање програми, проекти, активности и манифестации за младите од интерес на Град Скопје.
Со овој јавен повик, како што е наведено во соопштението, Град Скопје сака да реализира повеќе цели, како што се зголемување на активно учество на младите во сите општествени процеси, како волонтирањето, организирање на семинари и едукации, поттикнување на зголемено учество во активности од областа на културата, уметноста, заштита на животната средина и просторното уредување во Скопје, поттикнување во креирање идеи од областа на информатичката технологија и др.
Апликации за учество на јавниот повик може да се доставуваат до 1 октомври 2024 година.
Македонија
ДУИ: Со ВРЕДИ во Владата веќе нема вработувања за Албанците
„Јавните предупредувања за деалбанизација на државата, сега во пракса ги реализира оваа моноетничка власт во која се и губитниците на изборите или нарушувачите на албанскиот легитимитет. ВРЕДИ ги затвора очите и дозволува уништување на најважните достигнувања на Албанците последните две децении по ред, од војната во 2001 година“, соопшти ДУИ.
„Демократската Унија за Интеграција ја изразува својата загриженост во врска со последната одлука на Уставниот суд да започне постапка за оцена на уставноста на одредбите кои се однесуваат на „етничката припадност“ во контекст на вработувањето во јавниот сектор.
Оценуваме дека оваа одлука директно ги прекршува клучните одредби од нашиот Устав и ги загрозува темелите на нашето мултиетничко општество изградено со големи тешкотии.
Со оваа одлука се нарушува правичната застапеност на Албанците во државните институции, односно нема повеќе вработување за Албанците.
Поради тоа, ДУИ апелира за итно преиспитување на оваа одлука, со цел да се заштити интегритетот на уставниот поредок и да се обезбеди принципот на правична и соодветна застапеност да остане ефективен и применлив во пракса.
Ги уверуваме нашите сограѓани дека ќе останеме будни во заштитата на овој клучен уставен принцип. Само така можеме да обезбедиме безбедна, правична и еднаква иднина за сите граѓани на Република Северна Македонија“, се наведува во соопштението на ДУИ.