Македонија
СДСМ: Каква е врската меѓу Груевски и фирмата Аналитико АИ
Во мај 2006 година непосредно пред парламентарните избори бил склучен договор помеѓу приватизираниот Телеком и фирмата „Аналитико АИ“ за маркетинг услуги и дистрибуција на СИМ Картички, во вредност од околу 120.000 евра.
Во мај 2006 година непосредно пред парламентарните избори бил склучен договор помеѓу приватизираниот Телеком и фирмата „Аналитико АИ“ за маркетинг услуги и дистрибуција на СИМ Картички, во вредност од околу 120.000 евра.
Од опозицијата во вторник излегоа со низа прашања до премиерот. Прашуваат каква е врската меѓу премиерот Никола Груевски и фирмата Аналитико АИ во која биле вработенисегашни министри, пратеници и други блиски соработници на премиерот, Никола Груевски.
Опозицијата го прашува премиерот дали како еден од основачите на оваа фирма се јавува Ален Зекиров, телохранител на директорот на УБК, Сашо Мијалков.
Дали потписник на овој договор е пратеникот Оливер Шамбевски и дали во фирмата биле вработени сегашната министерка за внатрешни работи Гордана Јанкуловска, генералниот секретар на ВМРО – ДПМНЕ, Мартин Протуѓер, личната секретарка Ленче Самарџиска, портпаролот на ВМРО – ДПМНЕ, Александар Бичиклиски, како и министерката за култура Елизабета Канческа Милевска .
„Зашто биле земени и каде отишле овие 120.000 евра. Дали оваа фирма е дел од аферата за перење пари за која е водена европска и американска истрага , заради што е обвинет и распишана е потерница за поранешниот директор на телекомот“ прашува опозицијата. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.