Македонија
Македонија скокна 22 места според економска слобода
Македонија оствари огромен напредок според Индексот на економоска слобода и во 2010 година се искачи за 22 места во споредба со лани.
Македонија оствари огромен напредок според Индексот на економоска слобода и во 2010 година се искачи за 22 места во споредба со лани.
Во извештајот на „Херитиџ Фондејшн“ и „Волстрит Журнал“, Македонија, со 65,7 индексни поени, се најде на 56 тото место од вкупно 184 земји од светот, Македонија во изминатата година беше рангирана на 78 место, со 61,2 индексни поени, а годинава напредување за 4,5 индексни поени.
Истражувањето на Херитиџ Фондејшн се заснова на 10 параметри: Бизнис слобода, Слобода на увоз-извоз, Фискална слобода, Финансиска слобода, Монетарна слобода, Трошоци на владата, Криминал и корупција, Слобода на инвестирање, Работнички права и Сопственички права.
Македонија најдобро се покажала во делот на фискалната слобода (индекс 89,3) и во слобода на надворешната трговија (83,3), а најлошо е рангирана во делот на корупција (36) и заштита на сопственички права (35).
Единствено Албанија од земјите од регионот се наоѓа пред Македонија, заземајќи го 53 место, а зад нас се рангирани Словенија на 61 место, Црна Гора на 68, Бугарија на 75 место, а Хрватска е за дури 32 места подолу од Македонија. Далеку зад Македонија се Србија на 104 и Босна и Херцеговина на 110 место. На европско ниво од вкупно 43 држави, Македонија се пласира на 26 место.
На првото место на ранг листата што ја изготви Херитиџ Фондејшн за 2010 година се најде Хонг Конг, преземајќи го приматот од Сингапур кој 16 години по ред беше прв на листата според Индексот на слободна економија.
На трето и четврто место се Австралија и Нов Зеланд, а на дното од рангирањето, за 2010 година се најдоа Куба, Зимбабве и Северна Кореја./крај /бгн/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови засилен западен ветер. Минималната температура ќе биде во интервал од 3 до 9, а максималната ќе достигне од 13 до 19 степени.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер. Минималната температура ќе се спушти до 6, а максималната ќе достигне до 15 степени.
До почетокот на следната седмица времето ќе биде променливо облачно и посвежо, наместа со повремени врнежи од дожд. Во петок пообилни врнежи се очекуваат во јужните делови, а во недела на повеќе места. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.