Основните училишта во кои наставата се одвива на албански јазик, на првиот училишен ден од второто полугодие ги бојкотираат или воопшто не ги ставиле на распоред часовите по македонски јазик за првачињата.

Основните училишта во кои наставата се одвива на албански јазик, на првиот училишен ден од второто полугодие ги бојкотираат или воопшто не ги ставиле на распоред часовите по македонски јазик за првачињата.Иако од денеска официјално требаше да стартува владината одлука, според која првачињата Албанци ќе почнат да го изучуваат македонскиот јазик, тоа во сите училишта не  се спроведува.Секојдневната настава по училиштата се одвива непречено, но со тивок бојкот  часовите по македонски јазик не се одржуваат.Училиштата во општина Арачиново и трите во општината Студеничани, заедно со родителите  и општинскиот совет, одлучија нивните деца да не ја следат наставата по македонскиот јазик од прво одделение, бидејќи сметаат дека првачињата Албанци не се подготвени.Министерот за образование  Никола Тодоров денеска во Скопје на конференција за новинари рече дека ситуацијата по училиштата е стабилна и дека нема никакви радикални прекини  на наставата. „Јас сум задоволен што денеска нема масовен бојкот на наставата, што покажува дека моите апели вродиле со плод. Ситуацијата на терен е стабилна и нема никакви радикални бојкоти како што беше најавено деновиве“, изјави Тодоров.Прекин на наставата по македонски јазик најавуваат и останатите албански училишта  доколку во наредната недела не се укине  владината одлука за изучување на македонскиот јазик од прво одделение.

Тодоров не сакаше да појасни како ќе го  реши проблемот доколку и останатите училишта  се придружат на  бојкотот на наставата по македонски  јазик. /крај/рќ/