Министерството за здравство информира дека во последните 24 часа се направени 2.748 тестирања, а регистрирани се 934 нови случаи на Ковид-19 во: Скопје – 420, Куманово – 35, Дебар – 5, Штип – 20, Прилеп – 61, Тетово – 58, Струга – 5, Велес – 82, Битола – 33, Охрид – 23, Кавадарци – 19, Гостивар – 18, Гевгелија – 13, Струмица – 30, Крива Паланка – 4, Радовиш – 7, Крушево – 2, Кочани – 22, Пробиштип – 8, Демир Хисар – 2, Пехчево – 1, Берово – 6, Валандово – 1, Виница – 2, Делчево – 4, Кратово – 4, Свети Николе – 13, Кичево – 20, Ресен – 6, Неготино – 8.

Денеска Институтот за јавно здравје регистрира 454 оздравени пациенти од: Скопје – 273, Куманово – 15, Штип – 15, Прилеп – 16, Тетово – 21, Струга – 8, Велес – 5, Битола – 4, Охрид – 8, Кавадарци – 6, Гостивар – 11, Гевгелија – 7, Струмица – 17, Крива Паланка – 2, Радовиш – 10, Кочани – 9, Пробиштип – 1, Демир Хисар – 2, Берово – 4, Валандово – 2, Свети Николе – 1, Кичево – 8, Ресен – 6 и Неготино – 3.

Починати се 5 лица, тројца пациенти од Скопје (58, 68 и 75) и двајца од Прилеп (73 и 78). Сите се починати во болнички услови.

Вкупната бројка на ковид-дијагностицирани во нашата земја од почетокот на епидемијата изнесува 30.488, бројката на оздравени пациенти е 20.448, на починати е 982, а бројот на активни случаи изнесува 9058. Денеска се регистрираат четири контролни теста од вчера, а според завршените епидемиолошки анализи во моментов дистрибуцијата по градови е следна:

• Скопје 13174, активни 4283
• Куманово 2244, активни 379
• Дебар 336, активни 58
• Штип 1645, активни 250
• Прилеп 1290, активни 449
• Тетово 2135, активни 507
• Струга 819, активни 101
• Велес 721, активни 335
• Битола 670, активни 265
• Охрид 698, активни 232
• Кавадарци 490, активни 208
• Гостивар 1181, активни 185
• Гевгелија 370, активни 172 (18 лица од ПЕ Гевгелија се жители на Дојран, 55 на Богданци и 12 се странски државјани)
• Струмица 876, активни 484
• Крива Паланка 232, активни 83
• Радовиш 230, активни 75
• Крушево 27, активни 7
• Кочани 706, активни 224
• Пробиштип 192, активни 57
• Демир Хисар 82, активни 16
• Македонски Брод 104, активни 8
• Пехчево 60, активни 8
• Берово 209, активни 49
• Валандово 102, активни 38
• Виница 177, активни 67
• Делчево 246, активни 115 (59 лица од ПЕ Делчево се од Македонска Каменица)
• Кратово 50, активни 20
• Свети Николе 481, активни 86
• Кичево 551, активни 161
• Ресен 244, активни 60
• Неготино 146, активни 76 (18 лица од ПЕ Неготино се жители на Демир Капија)

Направените 2748 теста се преку: ИЈЗ-817, ЦЈЗ Скопје-132, Авицена-522, Биотек-280, МАНУ -221, Жан Митрев (Филип Втори) -301, Систина со PCR метода -175, лабораторија Лаор –137, Судска медицина-15, ЦЈЗ Битола-81, Инфективна клиника-7, ГАК-0, Синлаб-60, лаборатории од странство-0. Досега во земјата се направени вкупно 246.105 тестирања на Ковид -19.

На Инфективната клиника во изминативе 24 часа примени се 10 пациенти. Вкупно се хоспитализирани 158 пациенти. На кислородна поддршка се 113 пациенти, нема пациенти на механичка вентилација.

Во болницата во Козле хоспитализирани се 6 позитивни и 6 суспектни деца на Ковид-19 и 18 возрасни пациенти, позитивни и суспектни на вирусот.

Во ГОБ „8 Септември“ има 11 приеми, а вкупно хоспитализирани се 57 пациенти. На респиратор се 2 пациенти.

Во болницата во Битола се хоспитализирани 67, а во болницата во Штип се 51 пациент. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Дебар, Кичево и Кавадарци се хоспитализирани 315 позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 216
• Гази Баба – 562
• Аеродром – 759
• Карпош – 627
• Центар – 561
• Кисела Вода – 557
• Ѓорче Петров – 369
• Бутел – 205
• Шуто Оризари – 40
• Студеничани – 20
• Сарај – 32
• Арачиново -9
• Илинден – 85
• Сопиште – 37
• Чучер Сандево – 23
• Петровец –28
• Зелениково -14
• Странец – 33
• Нераспределен- 106

Поранешниот министер за внатрешни работни Наќе Чулев, кој беше претставник на ВМРО-ДПМНЕ во техничката влада на Оливер Спасовски, е позитивен на Ковид-19. Тој на Фејсбук објави дека добил позитивен резултат на тестот за коронавирус и дека моментно се чувствува добро и се лекува во домашни услови.

„Во текот на изминатите денови направив тест за кој денес добив позитивен резултат за Ковид-19. За жал, и покрај сериозната претпазливост не успеав до крај да се одбранам од вирусот кој многу често знае да биде непредвидлив и чуден.

Во овој момент се чувствувам добро, немам посериозни здравствени проблеми и се лекувам во домашни услови. Апелирам до сите вас да водите грижа за своето здравје и да се придржувате до препораките за заштита на здравјето. Уверен сум дека и овој предизвик ќе го победиме со внимание, грижа и позитивна мисла. Чувајте се и бидете во добро здравје“, објави Чулев.

ВМРО-ДПМНЕ повикува на собир против покачената цена на струја утре пред Регулаторната комисија за енергетика, пола милион граѓани кои живеат со 130 денари дневно плаќаат поскапа струја.

„Поради неспособноста на владата предводена од СДСМ и Заев граѓаните од ден на ден живеат се посиромашно. Поради неспобноста на оваа влада да се справи со пандемијата од месец март до денес над 40.000 граѓани ги изгубија своите работни места и се оставени без никакви примања. Во државата  околу 100.000 граѓани  живеат во сиромаштија и 500.000 граѓани денот го минуваат со помалку од 130 денари, а власта предводена од Заев нема слух за ова“, соопшти партијата.

Според нив, во период на пандемија го зголемија и јавниот долг за 1 милијарда евра и без никаков срам СДСМ се осмели да покачи даноци и давачки на граѓаните, односно ја покачија сметката за струја за 7.4%.

„Сето ова докажува дека со СДСМ на власт Македонија тоне во криза. Оваа криминална влада мора да си замине час поскоро. Граѓаните на Република Македонија заслужуваат подобар и поквалитетен живот.
Затоа ВМРО-ДПМНЕ ги повикува сите граѓани утре 31.10.2020 пред Регулаторна комисија за енергетика во 12:30 на собир на кој ќе се изрази револтот и порака за крај на сите овие погубни политики на СДСМ“, се додава во соопштението.