Поголем дел од кафулињата и рестораните во земјава денеска ќе останат затворени како дел од 24 часовниот протест на угостителите против законот за заштита од пушење.

Поголем дел од кафулињата и рестораните во земјава денеска ќе останат затворени како дел од 24 часовниот протест на угостителите против законот за заштита од пушење.Претставници на  Туристичко-угостителската комора(ТУК) ги повикаа угостителите единствено, солидарно и достоинствено да го изразат својот револт од законот кој од стапувањето  во сила му нанесе рекордни загуби на угостителскиот сектор. “Со ова сакаме да предупредиме за последиците што во најмала рака ќе резултираат со затворање на локалите, отпуштање на вработени и колапс на угостителскиот бизнис. Не треба да се биде аналитичар за да се види падот во прометот. Тој во моментов се движи од 40-70 отсто”-рече вчера Дарко Данилов од ТУК.Од ТУК подготвиле барање за измена и дополнувањеe на законот, но ќе чекаат да помине денешниот протест, за да видат какви ќе бидат владините реакции.“Предлагаме да се следи моделот на Португалија и Шпанија кој е најфлексибилен.Тој овозможува во затворените објекти 70% отсто од просторот да биде наменет за непушачи, а 30 за пушачи. Ова подразбира и инсталирање на нови вентилациони уреди со кои воздухот ќе се менува и до 20  пати за еден час”, -додаде Данилов.Запрашани дека слична регулатива веќе постоеше, од ТУК рекоа дека  владата треба да донесе поризгорозни казни за да овозможи почитување на истата. Пратеничката група на ВМРО-ДПМНЕ во среда во Собранието предложи измена и дополнување на законот за заштита од пушење со кој побара тоа да биде дозволено на терасите, летните бавчи и другите објекти што немаат покриви.ТУК предлогот на ВМРО-ДПМНЕ го оцени како коректен, но не и конечен бидејќи се однесува на период од шест месеци.Според Законот за пушење, што започна да се применува од 1. јануари 2010. година, целосно се забранува пушењето во угостителските објекти. /крај/вм