Македонија
ВМРО-Народна ги поддржува производителите на јаболка

ВМРО народна ги поддржува барањата на производителите на јаболка и бара да се пронајде побрзо решение за пласманот за реколтата од 2009 година
ВМРО народна ги поддржува барањата на производителите на јаболка и бара да се пронајде побрзо решение за пласманот за реколтата од 2009 година.
“Воведување на извозни стимулации на претпријатијата кои се занимаваат со извоз на јаболка е една од подобрите мерки за да се избегнат вакви проблеми со откупот на јаболката“, изјави денеска во Скопје Миле Јакимовски од ВМРО народна партија, додавајќи дека е потребно и обезбедување на средства за краткорочни кредити за преработувачите на јаболка.
„Ако сакаме здраво и успешно земјоделство треба да ги согледаме сите овие работи и со една квалитетна стратегија на подолг рок“, додаде Јакимовски.
Преспанските производители на јаболка од понеделникот протестираат и секојдневно го блокираат патниот правец Битола Ресен, барајќи спас за минатогодишната реколта на јаболка, со резерви од околу 70.000 тони.
Производителите на јаболка бараат државата да спроведе интервентен откуп на 20 илјади тони јаболка, да воведе премија од 4 денари за килограм на производство од 40 тони по хектар, да обезбеди пласман на странските пазари, како и намалување на царината.
Овоштарите велат дека ќе продолжат со протестите се додека надлежните ги игнорираат нивните барања. /крај/рќ/мп
Фото:Филип Поповски/Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре сончево време со температура до 30 степени

Времето утре наутро ќе биде ведро и посвежо, преку денот сончево. Ќе дува слаб до умерен, наместа долж Повардарието повремено засилен северен ветер, информира УХМР.
Минималната температура ќе биде во интервал од 4 до 15, а максималната ќе достигне од 23 до 30 степени.
Во Скопје, сончево, со слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 30 степенiи.
Продолжува периодот на претежно сончево време со посвежи утра и постепен пораст на дневната температура.
Македонија
Почна реконструкцијата и изградбата на шест спортски терени во Гостивар

Општина Гостивар започна со реконструкција и изградба на 6 спортски терени, од кои 4 се спортски терени, еден парк со спортски терен и едно спортско игралиште, на различни населени места во градот.
Од нив, 3 постоечки терени ќе бидат реновирани и опремени со модерна опрема и тартан подлога, додека 3 нови терени ќе се изградат од почеток, според најсовремените стандарди за безбедност, квалитет и функционалност.
„Нашата цел е јасна: да создадеме простори каде што младите ќе поминуваат квалитетно време, ќе се занимаваат со спорт и ќе растат здрави. Овие инвестиции се инвестиции за иднината на нашите генерации,“ – истакна градоначалникот на Општина Гостивар, Валбон Лимани.
Македонија
Злоупотреби со регистрација на половни возила: 11 осомничени, меѓу нив и вработена во МВР

Секторот за внатрешни работи Куманово, во соработка со Одделот за внатрешна контрола и криминалистички истраги при МВР, поднесе кривични пријави против 11 лица поради повеќе кривични дела поврзани со плаќање давачки за увоз и регистрација на половни моторни возила.
Меѓу пријавените е и 43-годишна вработена во МВР – Одделение за управни работи Куманово, осомничена за „злоупотреба на службена положба и овластување“. Пријавен е и 29-годишен контролор во станица за технички прегледи поради „фалсификување исправа“ и „употреба на исправа со невистинита содржина“. Останатите лица се сомничат за „прикривање на стоки кои се предмет на криумчарење и царинска измама“ и „давање лажен исказ“.
Според МВР, во текот на 2024 година дел од пријавените договарале сопственици на возила со странски таблици, кои за половина од законските давачки за увоз, добивале регистрација без да ги платат потребните трошоци. Во електронскиот систем биле внесувани податоци за возила без платени царини, такси и надоместоци за регистрација.
Пријавениот контролор во станица за технички прегледи изготвувал и фалсификувани електронски табели налик на оние што ги издава Бирото за метрологија за хомологација на возила.
Од МВР информираат дека се преземаат мерки за понатамошно расчистување на случајот.