Македонија
Бајрами во посета на Словачка

Министерот за труд и социјална политика, Џељаљ Бајрами од понеделник ќе престојува во дводневна официјална посета на Словачка.
Министерот за труд и социјална политика, Џељаљ Бајрами од понеделник ќе престојува во дводневна официјална посета на Словачка.Целта на посетата, како што е најавено во Скопје, е продолжување на веќе воспоставените односи на соработка помеѓу министерствата на Република Македонија и на Република Словачка. За време на посетата ќе биде потпишан Договорот за соработка во областа на трудот, вработувањето и социјалната заштита помеѓу Министерството за труд и социјална политика на Република Македонија и Министерството за труд, социјални работи и семејство на Република Словачка. Исто така, ќе се разговара и за прашањата поврзани со вработеноста и невработеноста, посебно на ранливите групи, како што се Ромите и другите граѓани, за активните политики за вработување, за прашањата поврзани со социјалниот дијалог, како и за функционирањето на Европскиот социјален фонд и имплементацијата на проекти со средствата од овој фонд. Ќе бидат разменети и искуства, а ќе се преиспитаат и можностите за примена на соодветни твининг проекти во наведените области. /крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од општините Кисела Вода, Аеродром и Шуто Оризари денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.30 часот, корисниците од булевар Борис Трајковски – крак 20 во Усје. (општина Кисела Вода)
– во периодот од 09.00 до 15.00 часот, корисниците од улицата Божидар Рајковиќ, дел од корисниците од улиците Горноврановска и Горно Лисиче (општина Аеродром ) како и дел од корисниците лоцирани околу улицата Брсјачка Буна бр. 163. (општина Шуто Оризари)
Македонија
Без вода денеска дел од Бутел

Регионалниот центар за управување со кризи на Град Скопје, по добиеното известување од ЈП Водовод и канализација, ги информира граѓаните дека, денеска:
· Поради изведување на водоводен приклучок ф 100 мм на улицата Призренска 22 бр.46Е, прекинато водоснабдување ќе имаат корисниците на дел од улицата Призренска 22 од 10:00 часот до завршување. (Општина Бутел)
Македонија
Променливо облачно време со сончеви периоди

Времето денес ќе биде променливо облачно, посвежо и ветровито со сончеви периоди. Ќе дува умерен, наместа повремено засилен северен ветер (над 60 километри на час). Кон крајот на денот облачност ќе се намали.
Минималната температура ќе биде во интервал од 8 до 17, а максималната ќе достигне од 21 до 29 степени.
Во Скопје, променливо облачно со сончеви периоди. Ќе дува умерен, во делови од котлината повремено засилен северен ветер. Кон крајот на денот облачност ќе се намали. Минималната температура ќе се спушти до 16, а максималната ќе достигне до 26 степени.
Во четврток времето ќе биде посвежо и ветровито. Ќе дува умерен до засилен северен ветер (локално над 60 километри на час). Во деновите потоа ќе преовладува сончево време со посвежи утра, а дневната температура ќе биде во постепен пораст.