Три последователни пожари во недела вечерта го зафатија транформаторот лоциран во битолската населба Баир, по што најголемиот дел од населбата повеќе од 24 часа остана без струја.

Три последователни пожари во недела вечерта го зафатија транформаторот лоциран во битолската населба Баир, по што најголемиот дел од населбата повеќе од 24 часа остана без струја.

„Во 2003 година баравме, да се регулира состојбата со трансформаторот. Каблите ги оставија надвор и од 2003 година до денеска не е ништо преземено“ изјави Илија Марков, жител на Мукос број 34.

Еден час по полноќ транформаторот почнал да чади, жителите пријавиле во полиција, во ЕВН Mакедонија и Противпожарна станица.

Жителите ја попречувале работата бидејќи биле исплашени дека ова е проблем кој се заканува со години, а опасноста може да биде поголема ако пожарот избувне ноќе.

,,Точно е дека ги  попречуваме, трансформаторот вчера експлодира.  Жената и детето избегаа од дома спијат на друго место, вели Марков.

Семејството Маркови, но и другите соседи бараат дислоцирање на трафостаницата .Портпаролот на ЕВН Македонија Ленче Карпузовска вели дека трафостаницата е постара од куќата, а до пожари доаѓало поради двојното оптоварување кое вклучува и многу кражби.

Според Карпузовска, единствено решение во моментов е поставување на нова пософистицирана трафостаница, но не и дислокација . Разговори се воделе постојано и од ЕВН Македонија веруваат дека ќе се најде корисно решение за двете страни. /крај/цр/фф