Македонија
Дорис Пак: Срамно е однесувањето на Грција

Европратеничката Дорис Пак во саботата го осуди однесувањето на Грција, поради тоа што на Македонија и го оспорување правото на употребата на уставното име.
Европратеничката Дорис Пак во саботата го осуди однесувањето на Грција, поради тоа што на Македонија и го оспорување правото на употребата на уставното име.
„Македонија не е падната од небото. Како е возможно да се оспоруваат имиња?“, истакна Дорис Пак на пресконференција во Софија, каде што учествува на меѓународна трибина „Европа 2020-граѓанска визија“.
„Се срамам, што една европска држава може да се однесува на начин, на кој што се однесува Грција“, рече Дорис Пак.Како што пренесе бугарската агенција Бгнес, Дорис Пак изнела редица препораки до Грција поврзани со подобрувањето на нејзините односи со соседите.
Дорис Пак, која е од редовите на германската Христијанско-демократска унија, на трибината во Софија присуствува во својство на претседател на европската Комисија за образование и култура.
Познатата европратеничка во неколку наврати јасно застана во одбрана на правото на Македонија да го користи своето уставно име и ја осуди Грција што го оспорува приемот на државата во ЕУ. /крај/бгнес/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Дел од населбата Драчево денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа денеска, без електрична енергија ќе остане дел од населбата Драчево.
Од 08:30 до 12:00 часот, корисниците од дел од улицата Маркова Река во населба Драчево, општина Кисела Вода, ќе останат без струја.
Македонија
Сончево и ветровито време, температури до 38 степени

Времето денеска ќе биде сончево со мала до умерена локална облачност. Ќе дува слаб до умерен, по должината на Повардарието повремено засилен ветер од северен правец, информира УХРМ.
Минималната температура ќе биде во интервал од 11 до 22, а максималната ќе достигне од 31 до 38 степени.
Во Скопје сончево со мала до умерена облачност. Ќе дува слаб до умерен, повремено засилен ветер од северен правец.
Минималната температура ќе се спушти до 20, а максималната ќе достигне до 38 степени.
Во следните денови следува период на сончево и топло време со мала до умерена облачност.
Температурите ќе бидат во постепен пораст, особено од четврток и за време на викендот кога дневната температура насекаде ќе биде над 30°C, а наместа ќе достигне до 40°C.