Процесот за набавка на колоноскопи е при крај, Ова го изјави министерот за здравство Бујар Османи.

Процесот за набавка на колоноскопи е при кра, Ова го изјави министерот за здравство  Бујар Османи.

Според него ќе се набават според потребата и ќе се распоредат низ сите јавни здравствени установи, а исто така ќе се набави и нов акцелератор кој треба да пристигне годинва на Клиниката за онкологија.

Османи изјави дека годинава од кампањи ќе премине во организиран скрининг на повикување на граѓаните за рано откривање на малигните заболувања каде жените од дома ќе можат да се јават и да закажат термин во соодветна јавна установа.

Пилот – проектот за скрининг ќе започне во четири града за да подоцна се прошири во целата држава. Продолжува и вакцинацијата против Хуман папилома вирус (ХПВ) за жените до 29 години.

Прашан за состојбата на онкологија каде има дефицит на патолози Османи изјави: „Клиниките се самостојни правни објекти кои што одлучуваат за распоредување на човечките ресурси. Ние директно ќе се вклучиме во делот на обуката и специјализацијата  на кадарот кој што недостасува, но тоа е процес кој што трае.“

Министерството за здравство дало согласност за бројот на  вработувања, но самата клиника одлучува од кој профил таа ќе прими нов кадар, потврди Османи.

„Во министерството сериозно се размислува за можниот одлив на стручњаци во приватното здравство, за сега се работи за најави. Јавниот сектор е во една нерамноправна битка, бидејќи ние не можеме да обезбедите толкави плати и работни услови и многу ми е жал што не можеме да ги задржиме во јавното здравство, но и без нив нема тоа да пропадне, изјави Османи за одливот на стручњаците од јавното здравство.

Запрашан за невршењето на ин витро процедури за овој месец на клиниката за гинекологија Османи одговори дека ако минатиот месец немало не значи дека од следниот месец нема да има двојно./крај/сл