Македонија
МОН распиша конкурс за стипендии на постдипломски студии
Министерството за образование и наука распиша конкурс за доделување на стипендии за студентите на постдипломските студии на универзитетите во Македонија.
Министерството за образование и наука распиша конкурс за доделување на стипендии за студентите на постдипломските студии на универзитетите во Македонија.
Стипендиите ќе бидат во износ од 4.500 денари и ќе се исплаќаат 12 месеци во годината. За ова од буџетот за 2010 година одвоени се 10 милиони денари.
Студентите треба да имаат завршено прв циклус на студии со просечна оценка од 8,5 да се запишани на постдипломски и да се запишани првпат во втора година во академската 2009/2010 година, како и да имаат освоено две третини од предвидените кредити.
„Оваа година за првпат доделувањето на стипендиите ќе биде скоро три пати повеќе за природно-математичките и техничко-технолошките науки отколку општествените науки“ рече министерот за образование Никола Тодоров.Средношколците и студентите стипендиите би требало да ги добијат идната недела.
„Стипендиите за средношколците се потпишани од моја страна минатата недела и се испратени до министерство за финансии. Верувам дека во текот на идната недела ќе ги добијат парите“ изјави Тодоров.
Околу проблемот на учениците од основно училиште „Бајрам Шабани“, кое изгоре пред неколку дена, па 400 ученици не одат на настава министерот Тодоров вели дека ќе се потрудат да оспособат дел од училиштето за настава.
„Ќе одвоиме одредени средства од буџетот на министерството за образование за брзо реновирање на училиштето и ќе се потрудиме да оспособиме дел од училиштето за да може наставата да се одвива непрекинато. Исто така го замолив и Министерот за одбрана да се обиде доколку има одредени училници – контејнери да ни ги стави на располагање за да може привремено да се одвива наставата“ изјави Тодоров.
За оваа цел ќе бидат издвоени 1.500.000 денари. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без вода денеска делови од Центар и Сарај
Од ЈП Водовод и Канализација, известуваат дека поради изведување на водоводен приклучок ф-100мм на ул. Христо Смирненски 13, од 09:00 часот до завршување на интервенцијата, прекинато водоснабдување ќе имаат корисниците од дел од истата улица, поточно потегот од Зур – Маркет до бул. Партизански Одреди, во општина Центар.
Исто така во понеделник ќе се изврши редовно чистење на резервоарот за питка вода во село Рашче. За време на активностите во периодот од 09:00 – 13:00 часот, прекинато водоснабдување ќе имаат корисниците од населените места: Рашче Копаница и Бојане, општина Сарај.
Македонија
Дел од Карпош денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 15.00 часот, корисниците од улицата Леринска лоцирани околу број 3, општина Карпош.
Македонија
Претежно облачно со повремени врнежи од дожд, пообилни попладне
Времето денеска ќе биде претежно облачно со повремени врнежи од дожд. Наместа врнежите ќе бидат поројни и пообилни (над 30 l/m² за 24 часа) со услови за појава на грмежи. Ќе дува слаб до умерен ветер претежно од јужен правец.
Минималната температура ќе биде во интервал од 7 до 12, а максималната ќе достигне од 14 до 18 степени.
Во Скопје, претежно облачно со повремени врнежи од дожд, пообилни попладне. Ќе дува слаб до умерен ветер од југоисточен правец. Минималната температура ќе се спушти до 10, а максималната ќе достигне до 17 степени.
Времето во наредните денови
Во вторник во претпладневните часови ќе има локални врнежи од дожд. Ќе дува умерен, вдолж Повардарието засилен северен ветер. Потоа до крајот на неделата времето ќе биде стабилно и суво со пониски утрински температури.

