Штрајкот инициран од Синдикатот на фабриката, поради укинување на правата на работен однос, започнал во март 2009 година и траел шест месеци но со правосилна одлука на апелациониот суд во Битола тој е забранет.

Штрајкот инициран од Синдикатот на фабриката, поради укинување на правата на работен однос, започнал во март 2009 година и траел шест месеци но со правосилна одлука на апелациониот суд во Битола тој е забранет.Драганчо Лингуровски, Претседател на Синдикатот на фабриката за шеќер „4-ти ноември А.Д. Битола“ изјави дека штрајкот им е забранет од Судот под образложението дека „најавениот штрајк е нелегитимен бидејќи постапката за помирување како и преговорите со штрајкувачкиот одбор сеуште траат “. „Притисоци имаше како кон мене така и против целокупната синдикална организација. На претседателството и на членовите на штрајкувачкиот одбор им беа дадени отказни решенија, а пред извесно време на штрајкувачите им е побаран надомест на штета од страна на синдикалната организација во вредност од над 20 милиони денари,“ изјави Лингуровски, кој со поддршка на Институтот за човекови права најави дека ќе ја бараат правдата пред Европскиот суд за човекови права.„Лично сметам дека одлуката е незаконска бидејќи согласно нашиот устав, правото на штрајк не може да биде подложено на вакви рестрикции. Исто така, мое толкување на одредбите од законот за работни односи е дека во конкретниот случај, на овој начин штрајкот не можел да биде забранет. Ова е мое видување и ние ќе одлучиме понатаму како ќе реагираме,“ изјави адвокатот Филип Медарски, дел од тимот на институтот кој работи на повредата на ова право.„Оваа интервенција се разбира треба понатаму да се оценува дали е легитимна и дали е во согласност со принципите на демократското општество и дали средствата што се употребени, се во пропорционален однос со целта која некој сакал да ја постигне,“ изјави Маргарита Цаца Николовска, претседател на Институтот за човекови права и поранешен судија во Европскиот суд за човекови права.Дадената помош за синдикатот е дел од проектот „Слобода наместо страв“ кој го води Институтот за човекови права, а е во делот за заштитата на мирното собирање и изразување на јавен протест. /крај/ко.