Претставниците на стопанските комори и градежните компании во Македонија од владата побараа повеќе инвестиции во инфраструктурата, на денешниот работен појадок со Министерот за транспорт и врски, Миле Јанакиевски.

Претставниците на стопанските комори и градежните компании во Македонија од владата побараа повеќе инвестиции во инфраструктурата, на денешниот работен појадок со Министерот за транспорт и врски, Миле Јанакиевски.„Инфраструктурата е клучен сегмент за странските инвеститори да дојдат во земјата како и за локалните претпријатија да се развиваат, бидејќи ако има лоша инфраструктура во една земја нема да има добро развиена економија,“ изјави Сеад Кочан, претседател на Градежната комора на Македонија.Градежниците изразија задоволство од досегашните напори на владата за зголемување на инвестициите во градежништвото но побараа посебен третман кон домашните компании.„Ги поздравуваме преземените чекори на владата но истовремено и ја замолуваме во иднина, да има посебен третман спрема домашните компании и тие да имаат барем блага предност од странските, поради тоа што парите ќе останат тука,“ рече Антони Пешев од Стопанската комора на Македонија.Министерот за транспорт и врски Миле Јанакиески истана дека го радува фактот што и покрај тоа што во 2009 година светот се соочи со економска криза, градежништвото во Република Македонија бележи пораст.

Според официјалните податоци на Заводот за статистика за 2009 година градежништвото во првиот квартал бележи пораст од 9,2 проценти во споредба со истиот период од претходната година, во вториот квартал 14,4 проценти, а во третиот квартал од 7,5 проценти пораст, што покажува дека градежништвото и покрај сите проблеми на останатиот дел од македонската економија бележи добри резултати, рече Јанакиески.Стопанствениците го поздравија субвенционирањето кое го направи Владата со новите градежни проекти, бидејќи според нив тоа му овозможило на градежниот сектор во Македонија значително да го зголеми својот раст во однос на земјите во регионот./крај/ко.