Македонија
ЛП: Доста кажуваа што ќе се прави, некој треба да каже колку тоа ќе чини

Задачата на пратениците на Либералната партија ќе биде владата во која ќе учествуваат, да го стабилизира системот, да го стабилизира општеството, да се постигне кохезијата на македонската нација во која припаѓаат сите припадници запишани во уставот и сите етнички заедници кои не се запишани во уставот.
Ова го рече лидерот на Либералната партија, Ивон Величковски на вечерната средба со граѓани во Општина Кисела Вода во Скопје, каде порача дека секој глас даден за пржинската четворка ќе биде само глас за одржување на досегашната состојба и проблеми.
Носителот на листата на Либералната партија во ИЕ1, Величковски на средбата со граѓаните во Кисела Вода, ги претставуви кандидатите, побара место само тие кандидатите да зборуваат, за промена – тие да одговараат пред народот, бидејќи се до сега се движело на начин „некој да каже што да се прави, како да се прави, зошто да се прави, а никој нема да ви каже колку тоа ќе ве чини.“
„Наша задача е секој да дојде до својот профит, под еднакви можности, врз основа на еднакви шанси и врз основа на пресметливи закони“, рече Величковски.
Тој појасни дека во нивната кампања нема да зборуваат за другите партии, туку ќе комуницираат директно со граѓаните, затоа што сметаат дека секој глас даден за пржинската четворка ќе биде само глас за одржување на досегашната состојба и проблеми./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од општините Кисела Вода, Аеродром и Шуто Оризари денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.30 часот, корисниците од булевар Борис Трајковски – крак 20 во Усје. (општина Кисела Вода)
– во периодот од 09.00 до 15.00 часот, корисниците од улицата Божидар Рајковиќ, дел од корисниците од улиците Горноврановска и Горно Лисиче (општина Аеродром ) како и дел од корисниците лоцирани околу улицата Брсјачка Буна бр. 163. (општина Шуто Оризари)
Македонија
Без вода денеска дел од Бутел

Регионалниот центар за управување со кризи на Град Скопје, по добиеното известување од ЈП Водовод и канализација, ги информира граѓаните дека, денеска:
· Поради изведување на водоводен приклучок ф 100 мм на улицата Призренска 22 бр.46Е, прекинато водоснабдување ќе имаат корисниците на дел од улицата Призренска 22 од 10:00 часот до завршување. (Општина Бутел)
Македонија
Променливо облачно време со сончеви периоди

Времето денес ќе биде променливо облачно, посвежо и ветровито со сончеви периоди. Ќе дува умерен, наместа повремено засилен северен ветер (над 60 километри на час). Кон крајот на денот облачност ќе се намали.
Минималната температура ќе биде во интервал од 8 до 17, а максималната ќе достигне од 21 до 29 степени.
Во Скопје, променливо облачно со сончеви периоди. Ќе дува умерен, во делови од котлината повремено засилен северен ветер. Кон крајот на денот облачност ќе се намали. Минималната температура ќе се спушти до 16, а максималната ќе достигне до 26 степени.
Во четврток времето ќе биде посвежо и ветровито. Ќе дува умерен до засилен северен ветер (локално над 60 километри на час). Во деновите потоа ќе преовладува сончево време со посвежи утра, а дневната температура ќе биде во постепен пораст.