Македонија
Адвокатите од „Дива населба“ казнети, ќе бојкотираат ако нема услови во Судот
Сите адвокати на обвинетите во случајот „Дива населба“ ќе го бојкотираат наредното рочиште на овој случај доколку Судот не обезбеди услови за, како што велат, фер и коректно судење, најави адвокатот на еден од обвинетите, Љупчо Веселиновски.
Судењето за овој случај се одложи откако адвокатите беа револтирани бидејќи Судот не им обезбедил услови за фер судење, во судницата не биле присутни роднините на обвинетите и новинарите.Адвокатот Насер Рауфи ја напушти судницата, по што судијката даде пауза од половина час, но на судењето не се врати ниту тој, ниту неговите колеги Бујар Дардишта и Мефаил Арслани. Судот ги казни адвокатите со по 1.200 евра казна заради навреда на Судот и нарушување на редот во судницата, а Рауфи и Дардишта ќе треба да ги надоместат и трошоците во постапката.Арслани не е задолжен да ги плати трошоците, бидејќи имал замена на судењето.Откако судењето беше одложено, адвокатот Веселиновски изјави дека бараат најмалку еден роднина на обвинетите да присуствува рочиштето и новинарите кои судењето го следат во посебна сала во Судот преку видео врска.Тој рече дека ќе се солидализираат со своите колеги кои ги казнија и побара судот да ги повлече казните, бидејќи не обезбедил основни услови за судење. „Од 2008 година ги бараме нашите права за да работиме во нормални услови, почнавме со „Змиско око“ којшто се судеше во една сала во Царина, каде немаше елементарни услови, доста е со импровизации за судењата во Основниот суд Скопје 1. Ако не се исполнат условите на наредното рочиште нема да присуства ниеден бранител“, рече Веселиновски.Првите две рочиште за ова судење во кое има 29 обвинети и огромен интерес од јавноста се одржуваа во големата сала во Врховниот суд, но оваа сала веќе не се користи, бидејќи, како што велат од Судот, се реновирала. На едно од рочиштата немаше место за новинарите, па околу 20 новинари го бојкотираа судењето за овој случај. Судијката во овој случај рече дека Судот ја поседува само таа поголема судница и според неа обезбедени се можности за присуство на сите обвинети, а секако според можностите, на судењето присуствуваат и дел од роднините./кра/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.