Контакт

Македонија

British American Tobacco – новите клинички податоци за уредот Vuse го потврдија позитивното влијание врз јавното здравје на производот со намален ризик

Објавено пред

· Студијата открила дека возрасните потрошувачи кои го користат производот Vuseiна БАТ покажале значајно подобри резултати за биомаркерите кои се релевантни за болести поврзани со пушењето во споредба со пушачите.

dobivaj vesti na viber

· Пониски нивоа на штетни материи од чадот од цигарите класифицирани како штетни или потенцијално штетниii се пронајдени кај учесниците кои користат исклучиво Vuse во споредба со пушачите.

· Студијата придонесува за научните докази за е-цигарите како категорија на производи со намален ризик* и ја нагласува вредноста на Vuse во намалувањето на штетата од пушењето.

· Резултатите од студијата го истакнуваат придонесот на електронските цигари за намалување на штетите од пушењето.

Новите резултати на една од досега најголемите студии за е-цигари која го анализираше водечкиот бренд на БАТ, Vuse, се објавени во весникот Интерна и итна медицина.

Студијата ги споредува клиничките мерења помеѓу потрошувачите кои исклучиво користат Vuse и пушачите. Резултатите од студијата покажуваат дека учесниците кои користеле Vuse во споредба со пушачите, имале поповолни разлики во биомаркерите за изложеност (BoE) и биомаркерите за потенцијална штетност (BoPH) релевантни за болести поврзани со пушењето.

Корисниците на Vuse покажаа значително ниски биомаркери за изложеност на примарни токсини од чад од цигари според дефиницијата на Светската здравствена организација (СЗО)iii. Податоците исто така покажаа поволни разлики помеѓу корисниците на Vuse и пушачите во сите измерени биомаркери за потенцијална штетност, од кои три беа статистички позначајни.

Д-р Џејмс Марфи, директор за истражување и наука во БАТ, изјави: „Употребата на електронски цигари станува сѐ повеќе важна, бидејќи возрасните пушачи сѐ повеќе бараат алтернативни никотински производи со намален ризик. Резултатите од оваа студија се важни за Vuse, БАТ и потрошувачите, затоа што ни овозможуваат подобро разбирање за позитивното влијание на е-цигарите во споредба со пушењето. Истражувањето покажува јасна разлика помеѓу корисниците на Vuse уредот во споредба со пушачите и дополнително ја потврдува улогата на електронската цигара во намалувањето на штетите од пушењето. Би сакал да им се заблагодарам на сите кои учествуваа и помогнаа во реализацијата на оваа студија. Ова е уште еден важен чекор напред на нашиот пат кон градење на Подобро утре (A Better TomorrowTM)“.

Електронските цигари се најмногу истражувани и прифатени алтернативни тутунски и никотински производи во светот. Научните податоци на БАТ за е-цигарите се објавени во повеќе од 80 рецензирани списанија и придонесуваат за доказите кои ја поддржуваат улогата на оваа категорија во намалувањето на штетност од тутунот. Иновативната „вкрстена студија“,

која е една од најголемите студии за е-цигари, обезбедува клучни сознанија за влијанието врз здравјето при нивна употреба.

Vuse е водечки глобален брендiv за е-цигари врз основа на пазарниот удел и прв глобален јаглеродно-неутрален брендv на е-цигари. Vuse е достапен на 33 пазари, со над 10 милиони потрошувачи во целиот свет.

Белешки за уредниците

Врз основа на измерените биомаркери, во споредба со пушачите, корисниците кои единствено користеле Vuse забележале:

· значително пониски нивоа на сите измерени биомаркери за изложеност на примарни токсини од чадот од цигарите, како што е дефинирано од СЗО,

· значително поволни разлики во три биомаркери на потенцијална штетност поврзани со развојот на кардиоваскуларни заболувања (11-dTX B2, COHb и sICAM-1),

· пониски нивоа на биомаркери за потенцијална штетност (WBC и 8-epi-PGF2а) за општо воспаление и оксидативен стрес,

· поволни разлики во биомаркерот за потенцијална штетност (HDL) релевантен за кардиоваскуларни болести

· поволни разлики во биомаркерот за потенцијална штетност (FeNO) релевантен за здравјето на белите дробови

Повеќе за студијата

Клиничката студија на корисници на Vuse, пушачи, поранешни пушачи и оние кои никогаш не пушеле, обезбедува сеопфатна анализа на 17 биомаркери за изложеност (BoE) на примарни токсини од чад од цигари, биомаркери на потенцијална штетност (BoH) и физиолошки мерки релевантни за кардиоваскуларни состојби, респираторни заболувања и рак.

Во студијата учествуваа лица од Обединетото Кралство, на возраст помеѓу 19 и 55 години и со добро општо здравје. Беа вклучени и проучувани четири различни групи:

1. Сегашни пушачи кои пушеле најмалку една година пред скринингот

2. Потрошувачи кои користат Vuse (ePod и/или ePen3) најмалку шест месеци

3. Поранешни пушачи кои престанале да пушат најмалку шест месеци пред скринингот

4. Учесници кои никогаш не пушеле

Сите учесници беа тестирани за уринарен котинин, биомаркер за изложеност на никотин и издишан јаглероден моноксид, за да се утврди нивната консумација на никотин и статусот на пушење. Потрошувачите кои користат Vuse и поранешните пушачи беа тестирани за биомаркер CEVal, за да се потврди дека не пушеле цигари во претходните шест месеци.

Покрај широкиот опсег на проценети BoE и BoPH, уште една предност на дизајнот на оваа студија беше релативно големиот број учесници (n-213 регрутирани), поголем од која било претходна студија за е-цигари од овој тип.

За разлика од лонгитудиналните студии каде учесниците извршуваат повеќекратни посети на клиника во подолг временски период, учесниците во оваа студија еднаш посетија клиника во текот на ноќта каде што испитувачите го анализираа нивниот здив, урина и крв за да ги измерат BoE и BoH, а направени се и други клинички мерења релевантни за здравјето.

Учесниците во студијата користеле сопствени Vuse производи и марки на цигари, користејќи ги со вообичаен интензитет во текот на 24-часовниот период на истражување. Шемата на употреба и вкупната потрошувачка на учесниците не беа контролирани во текот на студијата, бидејќи целта беше да се проценат измерените ефекти кај луѓето што ги користат производите на нивниот „нормален“ начин, а не на контролиран начин.

Изјави за во иднина

Оваа објава содржи изјави кои се однесуваат на иднината, вклучувајќи изјави кои се однесуваат на иднината и кои се дадени во смисла на американскиот Закон за реформи во парничната постапка за приватни хартии од вредност од 1995. Овие изјави често, но не секогаш, даваат користење на зборови или фрази како што се „верува“, „предвиди“, „би можело“, „може“, „ќе“, „треба“, „има намера“, „планира, “потенцијал”, “предвиди”, „очекувај“, „процени“, „проектира“, „позиционира“, „стратегија“, „перспективи“, „цел“ и слични изрази. Тоа вклучува изјави насочени кон амбициите на нашите потрошувачи, целите за приходи од нови категории и нашите ESG цели.

Сите такви изјави се однесуваат на иднината, вклучувајќи проценки и претпоставки кои подлежат на ризици, несигурности и други фактори. Се верува дека очекувањата кои се одразуваат во оваа објава се разумни, но на нив може да влијае широк опсег на промени кои би можеле да предизвикаат вистинските резултати значително да се разликуваат од оние кои во моментот се очекуваат. Причината зошто вистинските резултати и развој може значително да се разликува од очекувањата изразени или имплицирани во изјавите во иднина, може да се најде во информациите под наслов “Изјава за предупредување” и “Главните ризици на групата” во Годишниот извештај за 2021 година и Образецот 20-Ф на Бритиш Американ Тобако п.л.ц. (British American Tobacco plc).

Дополнителни информации во врска со ова и други фактори може да се најдат во поднесоците на БАТ до Комисијата за хартии од вредност во САД („КХВ“), вклучувајќи го и Годишниот извештај на образец 20-Ф и тековниот извештај на Образец 6-К кој може да се преземе бесплатно од веб-страницата на КХВ http://www.sec.gov, т.е. Годишниот извештај на БАТ, кој може да се добие бесплатно на веб-страницата на БАТ, www.bat.com.

Претходниот учинок не е водич за идните резултати, а лицата на кои им треба совет треба да контактираат независен финансиски советник. Изјавите кои се однесуваат на иднината ги претставуваат знаењата и информациите достапни на датумот на подготовка на оваа публикација, а БАТ не презема никаква обврска за ажурирање или ревидирање на овие изјави во иднина, било како резултат на нови информации, идни настани или на некој друг начин. Читателите се предупредени да не се потпираат прекумерно на изјавите кои се однесуваат на иднината

ПР

Македонија

Села до Меџити: Не сум дел од власта туку сум спроти неа, не рамо до рамо туку лице в лице

Објавено пред

Лидерот на едното крило на Алијансата за Албанците, Зијадин Села, преку објава на „Фејсбук“  одговори на излегувањето на Изет Меџити, нагласувајќи дека не е дел од ниту една влада и дека секогаш стои спроти власта, а не покрај неа.

dobivaj vesti na viber

„Во комуникација со мене — не. Не сум дел од Владата. Не стојам со тие што сакаат да ни ги одземат правата како народ“, напиша Села, додавајќи дека политичките успеси ги мери според тоа колку придонел Албанците да бидат порамноправни, а не според привилегиите на власта.

„Во парламентот ќе имаме работа со вас и со ВМРО, како и секогаш — власта на едната страна, јас на другата. Не рамо до рамо, туку лице в лице!“, порача Села.

Изјавата на Села следи откако Изет Меџити од ВЛЕН, прашан дали имало разговори во насока на приклучување на Села во власта, рече рече дека политичката сцена кај Албанците е измешана и дека комуницира со сите, додавајќи дека можно е да има турбуленции и понатаму.

Прикажи повеќе...

Македонија

Божиновска: Кога жените водат, енергетиката свети посилно – не чекајте дозвола, заземете го вашето место

Објавено пред

Инклузивната и праведна зелена енергетска транзиција е невозможна без еднакво учество на жените. Тоа беше пораката што силно одекна на сесијата „Жени во енергетиката“, одржана во рамки на 14. Меѓународен форум за енергија и одржлив развој (IFESD-14) во Скопје.

dobivaj vesti na viber

Министерката за енергетика, рударство и минерални суровини, Сања Божиновска, во инспиративно обраќање ја отвори сесијата со порака дека без родова еднаквост, нема вистински напредок во енергетскиот сектор.

„Живееме во пресуден момент. Глобалната енергетска транзиција ги менува економиите, индустриите и општествата. А овде, на Западен Балкан, ние не сме само следбеници на тие промени — ние сме дел од оние што ги водат. Македонија е горда што е дел од оваа трансформација: инвестираме во обновлива енергија, ја зајакнуваме регионалната соработка и се грижиме нашата транзиција да биде одржлива и праведна“, рече Божиновска.

Министерката истакна дека овој процес нема да биде целосен доколку не е инклузивен. „Напредок кој ги остава жените зад себе – не е вистински напредок. Предолго, енергетиката – од инженерство до лидерство – се сметаше за ‘машки свет’. Но, ние секојдневно докажуваме дека тоа веќе не е така. Кога жените водат, енергетиката станува поумна, поправедна и похумана“, нагласи таа.

Податоците, како што потсети Божиновска, го потврдуваат тоа: „Според Меѓународната агенција за обновлива енергија (IRENA), организациите со повеќе жени на лидерски позиции во енергетиката имаат и до 20% повисоки перформанси и иновации. Светскиот економски форум покажува дека родово разновидните тимови се покреативни, попрофитабилни и поотпорни во кризи. Кога жените се оснажени, целиот сектор — и целото општество — добиваат.“

Во еден од најемотивните делови од говорот, министерката се обрати директно до младите жени:

„Не чекајте дозвола за да водите – заземете го вашето место. Не ги замолчувајте вашите идеи – кажете ги смело. Не се сомневајте во вашата сила – посилни сте отколку што мислите.

А до мажите – и вие сте ни потребни. Вистинскиот напредок се случува кога стоиме рамо до рамо, како сојузници, работејќи за истата визија за еднаквост и напредок.“

Во своето обраќање, министерката сподели и лично искуство:

„Како жена во енергетиката, знам дека патот не беше секогаш лесен. Многу од нас мораа да се борат за своето место на масата и да докажат дека компетентноста нема пол. Но секоја пречка што ја рушиме – отвора пат за друга жена да се издигне.“

Таа подвлече дека како министерка поставила јасна мисија – да ја смени перцепцијата дека енергетиката е машки свет.

„Организирам настани и менторски програми за студентки од техничките факултети, за да видат дека нивната иднина може да биде токму овде – во енергија, технологија и лидерство. Работам со жени од рударството и индустријата, чии резултати често остануваат невидливи, но се клучни за нашите успеси.“

Божиновска додаде дека Министерството за енергетика денес е меѓу најродово-избалансираните институции во земјата. „Имаме повеќе жени од мажи и многу од клучните сектори ги водат силни, стручни и одлучни жени. Тие се жив доказ дека компетентноста нема пол,“ рече министерката, додавајќи дека е особено горда што ја претставува Македонија како амбасадорка на WOBA – Women on Board Adria, регионална мрежа што ги поврзува и поддржува жените лидери во Адриатскиот регион.

„Преку WOBA работам за да им отворам врати на жените во одборите и носењето одлуки, за да ги зајакнеме нивните лидерски улоги и да обезбедиме нивниот глас не само да се слуша, туку и да се вреднува. Верувам дека жените заслужуваат повеќе – повеќе можности, повеќе признание, повеќе лидерство. Но исто така верувам дека мора да се избориме за тоа. Рамноправноста не е услуга, тоа е право што мора да го бараме, браниме и градиме – заедно.“

Божиновска го заврши обраќањето со цитат од Маргарет Тачер:

„Ако сакате нешто да се каже – прашајте маж; ако сакате нешто да се направи – прашајте жена.“ „Да бидеме тие жени што прават работи – што водат, инспирираат и создаваат енергетска иднина во која светлината свети посилно за сите.“

Во рамките на сесијата, претставничката на УНДП, Ана Чернишова, потсети дека учеството на жените во енергетската транзиција сè уште е ограничено, главно поради структурата на пазарот на труд и секторската сегрегација.

„Техничката експертиза и носењето одлуки во секторите на енергија и климатски промени се доминантно концентрирани кај мажите. Ова укажува на потребата од таргетирани политики за зголемена родова рамноправност во зелената транзиција,“ истакна Чернишова.

Таа додаде дека преку Програмата за зелен финансиски инструмент, УНДП приоритизира инвестиции во жени претприемачи и домаќинства каде што жените се носители на приходот. Досега се поддржани речиси 8,5 милиони долари инвестиции во решенија за чиста енергија.

Панелистите на сесијата заклучија дека иднината на енергетиката е инклузивна, фер и визионерска — со подеднакво место за сите што ја движат напред.

Прикажи повеќе...

Македонија

Герасимовски го посети штандот на ЈП „Паркинзи на Општина Центар“: Информативни табли со QR-код за брзо плаќање

Објавено пред

Градоначалникот на Општина Центар, Горан Герасимовски, денеска го посети штандот на ЈП „Паркинзи на Општина Центар“, каде што заедно со директорот Душко Коцевски разговараа за новите услуги и иновации во системот за паркирање.

dobivaj vesti na viber

Коцевски го информираше Герасимовски дека на новите информативни табли на ПОЦ е поставен QR-код со директен линк, што овозможува едноставно и брзо плаќање на паркинг услугата со платежна картичка, без потреба од регистрација или испраќање SMS порака.

„Одличен потег на ЈП ПОЦ за модернизација и поефикасно паркирање во општината. Ги следиме модерните трендови за побрзи и електронски достапни услуги со кои корисниците ќе можат полесно и поедноставно да ги користат услугите“, истакна Герасимовски.

На информативниот штанд беа промовирани и нови типови паркинг-карти достапни на веб-страницата www.poc.mk, како што се мултинеделната карта и гостинските паркинг-карти, кои нудат поголема флексибилност и ефикасност при користење на паркинзите во општина Центар.

Прикажи повеќе...

Најново

Македонија3 минути

Села до Меџити: Не сум дел од власта туку сум спроти неа, не рамо до рамо туку лице в лице

Лидерот на едното крило на Алијансата за Албанците, Зијадин Села, преку објава на „Фејсбук“  одговори на излегувањето на Изет Меџити,...

Македонија3 часа

(Видео) Митева: Стевчо Јакимовски и неговите пајташи од градежната мафија сакаат бетонизација на Влае, присвоиле и улица за висококатница

Стевчо Јакимовски и неговата градежна дружина сакаат бетонизација на Влае, присвоиле и улица за висококатница. Да ја потсетиме јавноста што...

Македонија4 часа

Александар Јовановски нов директор на „Комунална хигиена“ – Скопје

Александар Јовановски е нов директор на ЈП „Комунална хигиена“ – Скопје. Тој доаѓа од Град Скопје како инспектор во Секторот за...

Свет8 часа

(Видео) Масовен руски напад врз Украина, лансирани дронови и ракети: оштетени станбени згради

Повеќето украински региони останаа без електрична енергија по уште еден масовен руски напад со ракети и дронови врз цивилна и...

Европа9 часа

Франција го менува законот за силување по случајот со Жизел Пелико

Сенаторите вчера ги одобрија измените во францускиот закон за силување што би вклучувале експлицитна согласност, со што законодавството на земјата...

Свет10 часа

Трамп: Средбата со Шји беше неверојатна

Претседателот на САД, Доналд Трамп, ја опиша денешната средба со кинескиот претседател Шји Џјинпинг како неверојатна пофалувајќи ги кинескиот лидер...

Свет11 часа

По 30 години, Трамп нареди тестирање на американско нуклеарно оружје

Пред средбата со кинескиот претседател Кси Џинпинг, американскиот претседател Доналд Трамп му нареди на Министерството за одбрана на САД веднаш...

Свет11 часа

(Видео) Ураганот предизвика огромна штета: премиерот на Јамајка објави снимки од воздух

Бројот на жртви од ураганот Мелиса се зголеми додека минуваше покрај Куба и се движеше кон Бахамите, еден ден откако...

Европа11 часа

Орбан: Европејците сакаат да почнат војна, ние не сакаме да се бориме

Унгарскиот премиер Виктор Орбан најави започнување на антивоена кампања, која ќе биде придружена со мировни собири низ цела Унгарија. „Опасноста...

Свет11 часа

Заврши средбата меѓу Трамп и кинескиот претседател

Американскиот претседател Доналд Трамп разговараше со кинескиот претседател Кси Џинпинг во јужнокорејската воздухопловна база, при што двајцата лидери звучеа оптимистички...

Македонија1 ден

Евроинтеграцијата е дијалог, а не диктат: Сиљановска-Давкова се обрати на Парискиот мировен форум

Претседателката Гордана Сиљановска-Давкова во рамки на учеството на осмиот Париски мировен форум, се обрати на сесијата посветена на младите и...

Македонија1 ден

(Видео) Митева: Јакимовски да објасни како е можно за една година со семејството да стане сопственик на две градежни парцели во најелитниот дел на Карпош, Жданец

„Како е возможно, за период од една календарска година, градоначалникот Јакимовски да се најде во ситуација каде со неговото семејство...

Македонија1 ден

Оставка на Сабахадин Рустеми од „Комунална хигиена“ за да не влијае на истрагата

В.д. директорот на ЈП „Комунална хигиена“ – Скопје, Сабахадин Рустеми, поднесе оставка од функцијата поради морални причини, соопшти неговиот адвокат...

Македонија1 ден

Царината заплени речиси три илјади парчиња стока: облека со потпис на заштитени трговски марки, алкохол, електронски цигари, автоделови

На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...

Македонија1 ден

Орце Ѓорѓиевски по дебатата со Мециновиќ: Скопјани сакаат дела и резултати

Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...

Македонија1 ден

Мециновиќ по дебатата: Ова е генерациска борба на непривилегираните

Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...

Македонија1 ден

Обвинение за смрт на работник: камион паднал во Вардар возејќи на импровизирана патека, возачот останал заробен и починал

Основното јавно обвинителство Кавадарци поднесе Обвинителен акт против еден осомничен од Неготино за тешки дела против општата сигурност од член...

Македонија1 ден

Кривична против поранешен директор, заменик-директор и вработени во Агенцијата за храна и ветеринарство за проневера во службата

СВР Скопје до ОЈО Скопје поднесе кривична пријава против З.А., поранешен директор на Агенцијата за храна и ветеринарство поради сомнение...

Свет1 ден

Орбан е пред голема дилема: Трамп или руска нафта

Унгарскиот премиер Виктор Орбан се наоѓа во незавидна позиција – притиснат помеѓу неговата зависност од руската нафта и притисокот од...

Европа1 ден

Зеленски даде наредба: Украина почнува да извезува оружје

Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство...